Васіль Парфянкоў
грамадскі актывіст
Дата затрымання: 4 студзеня 2011
Вынік суда: 4 гады
Від пакарання: пазбаўленне волі ў калоніі ва ўмовах строгага рэжыму
Суддзя: Комар Вольга
Удзельнік абароны Курапатаў у 2001–2002 гадах. Яго неаднаразова затрымлівалі і адміністрацыйна каралі за грамадзкую актыўнасць. Браў удзел у акцыі пратэсту супраць фальсіфікацыі вынікаў выбараў 19 снежня 2010 году.
Абвінавачаны ва ўдзеле ў масавых беспарадках. Да суду знаходзіўся ў следчым ізалятары на вуліцы Валадарскага.
17 лютага 2011 году суддзя Фрунзенскага раёна горада Менска Вольга Комар асудзіла яго на 4 гады зняволення ў калоніі строгага рэжыму. Таксама ён мусіў кампенсаваць страты — 14 мільёнаў 700 тысяч рублёў за нібыта пашкоджаны будынак. Грошы на штраф сабралі салідарныя людзі.
Адбываў пакаранне ў аршанскай калоніі № 8. Вызвалены праз памілаванне.
