Васіль Лось
Прад'яўленыя абвінавачванні:
- арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 2 гады і 6 месяцаў
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Блізнюк Юлія
Справы: Пратэсты Мінск
Васіль Алегавіч Лось, начальнік аддзела перавозак аднаго з дзяржаўных прадпрыемстваў. Быў асуджаны судом Фрунзенскага раёна горада Мінска паводле ч. 1 арт. 342 КК (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). 1 і 2 красавіка 2024 года суддзя Юлія Блізнюк разгледзела справу.
Васіля затрымалі ў сярэдзіне лютага 2024 года, да суда знаходзіўся пад падпіскай аб нявыездзе.
Суд, які адбыўся 2 красавіка 2024 года, прызначыў яму пакаранне ў выглядзе абмежавання волі на тэрмін 2 гады і 6 месяцаў без накіравання ў папраўчую ўстанову адкрытага тыпу (“хатняя хімія”).
Удзельнічаў у Маршы свабоды, заклікаў да ўдзелу ў акцыях: мінчука асудзілі да "хатняй хіміі"
