Васіль Сяргеевіч Ярмоленка — гітарыст і кантрабасіст, былы артыст Беларускага дзяржаўнага ансамбля танцаў. Ён грае ў такіх гуртах, як Unia, "Голая Монашка", "Мутнаевока". 

Васіль быў затрыманы 25 студзеня 2022 года ў межах крымінальнай справы аб групавых дзеяннях, якія груба парушаюць грамадскі парадак (ч.1 арт. 342 Крымінальнага кодэксу), і змешчаны ў СІЗА-1. Адразу пасля затрымання на праўладным тэлеграм-канале з’явілася "пакаяльнае" відэа, з якога вынікала, што ў жніўні 2020 года музыка ўдзельнічаў у некалькіх масавых мерапрыемствах, а таксама стаяў у счэпцы на праезнай частцы. 

22 красавіка 2022 года адбыўся суд, у выніку якога Васіль Ярмоленка быў прызнаны вінаватым ў актыўным удзеле ў паслявыбарчых пратэстах 2020 года і асуджаны на тры гады абмежавання волі з накіраваннем ва ўстанову адкрытага тыпу ("хімія"). Да прызначэння месца адбыцця пакарання ён быў вызвалены з залы суда пад падпіску аб нявыездзе.

Палітвязні Ярмоленка і Гацко асуджаныя да трох год "хіміі" за ўдзел у паслявыбарчых акцыях пратэсту

Палітзняволеныя Васіль Ярмоленка і ягоная сяброўка Таццяна Гацко былі прызнаныя вінаватымі ў актыўным удзеле ў паслявыбарчых пратэстах 2020 года.