Валянціну Аляксандравічу Музыкіну выставілі абвінавачанне па ч. 1 арт. 130 «Распальванне расавай, нацыянальнай, рэлігійнай альбо іншай сацыяльнай варожасці або варажнечы», а таксама па арт. 369 «Абраза прадстаўніка ўлады». Судовае пасяджэнне ўзначаліў суддзя Гомельскага абласнога суда Іван Котаў.

Падрабязнасцей справы ў праваабаронцаў няма, бо суд праходзіў у закрытым рэжыме.

Вядомы толькі прысуд: 52-гадовага Валянціна прызналі вінаватым па двух інкрымінаваных артыкулах і прызначылі пакаранне ў выглядзе пазбаўлення волі тэрмінам на два гады з адбываннем пакарання ў папраўчай калоніі ва ўмовах агульнага рэжыму.

23 снежня 2022 г. КДБ уключыў палітвязня ў спіс "асоб, якія маюць дачыненне да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У снежні Валянціна перавялі з СІЗА-3 у бабруйскую папраўчую калонію № 2.

Вызвалены 1 траўня 2024 г.