Валянціна Пісарук
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 2 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Данільчык Сяргей
Пракурор: Карачун Вадзім
У судзе Баранавіцкага раёна і г. Баранавічы 6 кастрычніка 2021 года разглядзелі крымінальную справу ў дачыненні да Валянціны Мікалаеўны Пісарук, якую вінавацілі ў абразе прадстаўніка ўлады паводле арт. 369 Крымінальнага кодэкса.
Справу разглядаў суддзя Сяргей Данільчык, бок дзяржаўнага абвінавачвання падтрымліваў Вадзім Карачун. Пацярпелым па справе быў прызнаны намеснік начальніка Кобрынскага РАУС па ідэалагічнай і кадравай працы Віктар Турчыновіч.
Крымінальную справу разглядзелі за 30 хвілін.
За 30 хвілін жыхарку Баранавіч асудзілі да двух гадоў “хатняй хіміі”
