Залівака Валерый Ігаравіч быў асуджаны ў Мінскім гарадскім судзе паводле арт. 361-2 КК (Фінансаванне дзейнасці экстрэмісцкага фарміравання (рэдакцыя страціла сілу 26.05.2021), ч. 1 арт. 361-2 КК (Фінансаванне экстрэмісцкай дзейнасці). З 18 па 25 красавіка 2024 года справу разгледзеў суддзя Пісарэвіч Яўген.

Як паведамляе @nashaniva, Валерыю Заліваку 32 гады. Ён мінчук. Вучыўся на біялагічным факультэце БДУ, пісаў дыплом пра жукоў-лістаедаў. Таксама мужчына захапляецца фантастыкай і Sci-Fi, малюе на камп'ютары і любіць музыку ў стылі метал.

16 ліпеня 2024 г. у Вярхоўным Судзе будзе разгледжаная апеляцыя на прысуд. Старшыня судовай калегіі Іванкоў Аляксандр.

2 жніўня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.