Валерый Рыгоравіч Елісееў пакінуў каментар “Повесить гада” ў бок ганцавіцкага супрацоўніка ДАІ Ігара Вольніча.

1 чэрвеня 2022 года яго прызналі вінаватым паводле арт. 369 Крымінальнага кодэкса і асудзілі да 1,5 гадоў абмежавання волі з накіраваннем у ПУАТ – “хіміі”. Суддзя Алена Жук не пагадзілася з прапановай пракурора Аляксея Бізунова, які прасіў прызначыць абвінавачанаму пакаранне ў выглядзе двух гадоў “хіміі”.

Таксама як сродак злачынства быў канфіскаваны тэлефон Елісеева. Валерый таксама мусіць часткова кампенсаваць пазоў пацярпелага Ігара Вольніча і выплаціць яму 100 рублёў. Акрамя гэтага, 500 рублёў Елісееў пералічыў Вольнічу падчас пасяджэння. Пацярпелы прасіў выплаціць яму 1500 рублёў. Таксама Елісееў павінен выплаціць дзяржпошліну ў памеры 96 рублёў.

Па падліках праваабаронцаў, 3 студзеня 2024 года вызвалены з ПУАТ № 55, па заканчэнні тэрміну пакарання.

Чарговы прысуд за абразу супрацоўніка ДАІ Вольніча — 1,5 года "хіміі"

1 чэрвеня 2022 года ў судзе Першамайскага раёна Віцебска вынесены прысуд Валерыю Елісееву. Яго прызналі вінаватым паводле арт. 369 Крымінальнага кодэкса і асудзілі да 1,5 гадоў абмежавання волі з накіраваннем у ПУАТ – “хіміі”. Суддзя Алена Жук не пагадзілася з прапановай пракурора Аляксея Бізунова, які прасіў прызначыць абвінавачанаму пакаранне ў выглядзе двух гадоў “хіміі”.