Уладзімір Іванавіч Цурпанаў — актывіст і праваабаронца з Магілёва. 

У ходзе судовага працэсу па адміністрацыйнай справе ў верасні 2020 года Цурпанаў дазволіў сабе неадназначнае выказванне ў адрас суддзі суда Ленінскага раёна Вікторыі Паляковай, а 14 кастрычніка ў падобных умовах — у адрас суддзі Кастрычніцкага раёна Вольгі Краўчанка. За гэта ў дачыненні да актывіста завялі дзве крымінальныя справы.

24 снежня 2020 года ў судзе ў судзе Магілёўскага раёна вынесены прысуд у дачыненні да актывіста і праваабаронцы Валадара Цурпанава, які абвінавачваўся адразу па двух эпізодах абразы суддзяў паводле артыкула 391 Крымінальнага кодэксу (абраза суддзі).

Суддзя Халадцоў пастанавіў пакараць Цурпанава 3 гадамі абмежавання волі з накіраваннем у папраўчую ўстанову адкрытага тыпу ("хімія").

Напачатку лютага актывіста накіравалі адбываць "хімію" ў папраўчую ўстанову №46 у Круглым. 

Аднак 16 сакавіка 2021 года стала вядома, што Валадара Цурпанава змясцілі ў СІЗА турмы № 4 у Магілёве. Яму ставілі ў віну арт. 415 КК — "Ухіленне ад адбывання пакарання ў выглядзе абмежавання волі". Паводле пастановы, асуджаны "дапусціў шэраг парушэнняў парадку і ўмоваў адбывання пакарання". Сярод іх згадваецца ляжанне на ложку ў недазволены час і незапраўленае спальнае месца. 

Сам ён на сваёй старонцы ў Facebook сцвярджаў, што справа заведзеная ў дачыненні да яго за тое, што ён згаджаўся працаваць толькі пры выкананні яго працоўных правоў пры адбыцці "хіміі" — патрабаваў заробак, які адпавядае мінімальнаму памеру, гарантаваным дзяржавай.

Палітзняволенага і з аднаго з лідараў пратэстаў у Магілёве Валадара Цурпанава 4 чэрвеня 2021 асудзілі да 2 гадоў калоніі ва ўмовах агульнага рэжыму за ўхіленне ад адбывання пакарання ў папраўчай установе адкрытага тыпу (арт. 415 КК). Падставай для крымінальнай справы супраць актывіста, асуджанага на тры гады «хіміі», стала, як адзначана ў абвінавачанні, парушэнне правілаў унутранага распарадку ва ўстанове. Падсудны сваёй віны не прызнае і заяўляе, што «следства ў ягонай справе не было». Працэс праходзіў у судзе Круглянскага раёну пад старшынствам суддзі Дзмітрыя Сасноўскага. Дзяржаўнае абвінавачанне прадстаўляў пракурор раёну Міхаіл Андросенка.

На пачатку лютага 2022 стала вядома, што адміністрацыя калоніі № 3 ціснула на Уладзіміра Цурпанава. Яго пакаралі "суткамі" ў штрафным ізалятары, але дакладны тэрмін і прычыны невядомыя. Акрамя гэтага, сваякі Уладзіміра каля двух месяцаў не атрымлівалі ад яго лісты і тэлефанаванні.

Паводле інфармацыі праваабаронцаў, 20 красавіка 2022 года ў судзе Віцебскага раёна адбыўся разгляд справы Уладзіміра Цурпанава "аб пераводзе ў папраўчую ўстанову іншага тыпу і замене ўмоваў рэжыму": палітвязня перавялі на турэмны рэжым. Пра судовае пасяджэнне не паведамілі нават ягонай жонцы. Рашэнне па справе прымаў суддзя Міхаіл Зубеня. Вядома, што яго ў калоніі змясцілі ў памяшканне камернага тыпу (ПКТ).

На пачатку траўня 2022 года Уладзімір быў этапаваны з ПК № 3 у Турму № 1.

Палітвязень цалкам адбыў тэрмін і 19 студзеня 2023 г. выйшаў на волю.

У Магілёве палітвязня Цурпанава, асуджанага раней на «хімію», адправілі ў калонію на 2 гады

Палітзняволенага і з аднаго з лідараў леташніх пратэстаў у Магілёве Валадара Цурпанава асудзілі да 2 гадоў калоніі ва ўмовах агульнага рэжыму на 2 гады за ўхіленне ад адбывання пакарання ў папраўчай установе адкрытага тыпу (арт. 415 КК).