Вадзім Луковіч

Дата нараджэння: 31 снежня 1977

Дата затрымання: 21 студзеня 2021

Прад'яўленыя абвінавачванні:

арт. 342 Крымінальнага кодэксу – Арганізацыя і падрыхтоўка дзеяньняў, што груба парушаюць грамадзкі парадак, альбо актыўны ўдзел у іх
арт. 364 Крымінальнага кодэксу - Гвалт альбо пагроза ўжывання гвалту ў дачыненні да супрацоўніка органаў унутраных спраў
арт. 218 Крымінальнага кодэксу - Наўмысныя знішчэнне альбо пашкоджанне маёмасці, здзейсненыя агульнанебяспечным спосабам альбо якія пацягнулі прычыненне шкоды ў буйным памеры

Вынік суда: 2 гады

Від пакарання: пазбаўленне волі ў калоніі агульнага рэжыму

Суддзя: Густыр Юлія

Месца зняволення: Турма №4

Вадзім Уладзіміравіч Луковіч — мінчук, абвінавачаны адразу па трох артыкулах Крымінальнага кодэкса РБ: частка 1 артыкула 342 КК РБ (актыўны ўдзел у групавых дзеяннях, якія груба парушаюць грамадскі парадак); артыкул 364 КК РБ (Гвалт альбо пагроза ўжывання гвалту ў дачыненні да супрацоўніка органаў унутраных спраў); частка 1 артыкула 218 КК РБ (Наўмыснае знішчэнне або пашкоджанне маёмасці). Крымінальная справа была ўзбуджана па падзеях з 9 на 10 жніўня ў Мінску. З 21 студзеня 2021 года Луковіч знаходзіцца пад вартай.

Згодна з абвінавачваннем, Луковіч у прамежак часу з 00:40 да 00:45 выйшаў на праезную частку каля скрыжавання дарогі вуліц Максіма Багдановіча, Янкі Купалы і Старажоўскай і, адчуваючы азлобленасць у дачыненні да ДАІ, наўмысна пагражаў ім. Закідваў рознымі прадметамі, у тым ліку бутэлькамі, іх аўтамабіль, а таксама наносіў па ім удары рукамі і нагамі. З-за гэтага на аўтамабілі засталіся пашкоджанні ў выглядзе дэфармацыі дзвярэй, а таксама сарваны бампер з мацаваннем.

Віну Вадзім Луковіч прызнаў часткова, а дакладней — толькі факт таго, што ён там знаходзіўся.

Суддзя суда Цэнтральнага раёна горада Мінска Юлія Густыр 16 сакавіка вынесла прысуд у дачыненні да Вадзіма Луковіча — 2 гады пазбаўлення волі з адбываннем пакарання ў папраўчай калоніі агульнага рэжыму (столькі ж запытваў дзяржабвінаваўца).

Чатыры пазовы і тры крымінальныя артыкулы. Пачаўся суд над Вадзімам Луковічам, дзе пацярпелыя — супрацоўнікі ДАІ

У судзе Цэнтральнага раёна горада Менска 9 сакавіка пачаўся судовы працэс па крымінальнай справе ў дачыненні да 42-гадовага мінчука Вадзіма Луковіча. Сярод пацярпелых — два супрацоўнікі ДАІ, машына якіх праехала міма Луковіча ў ноч з 9 жніўня на 10 жніўня 2020 года, а той пакінуў на ёй свае адбіткі.

Дакрануўся да машыны ДАІ — вінаваты па трох артыкулах. Вынесены прысуд Вадзіму Луковічу

Дакрануўся да машыны ДАІ — вінаваты па трох артыкулах. Вынесены прысуд Вадзіму Луковічу

Адрас для лістоў: Турма №4. 212011, г. Магілёў, вул. Крупскай, 99А

Палітвязні знаходзяцца па адрасах:

      Што варта ведаць і як дапамагчы?