Вадзім Аляксандравіч Ермашук — блогер з Гродна, вядомы як Vadimati.

Ён быў затрыманы 16 жніўня 2021 года ў Шчучыне, куды паехаў здымаць ролік. На наступны дзень у яго дома прайшоў агляд, і яго асудзілі на 25 сутак арышту па арт. 24.23 КаАП — нібыта за заклікі ўдзелу ў масавым мерапрыемстве. Затым яго асудзілі яшчэ на 15 сутак. 

17 верасня стала вядома, што на блогера распачалі дзве крымінальныя справы: паводле арт. 368 КК (Абраза Лукашэнкі) і арт. 370 КК (Здзек з дзяржаўных сімвалаў). 24 верасня яго змясцілі пад варту. 

Працэс над Вадзімам распачаўся 14 снежня 2021 года ў Шчучынскім раённым судзе. Прысуд блогеру быў вынесены 21 снежня 2021 года: 3 гады пазбаўлення волі ў калоніі агульнага рэжыму.

27 сакавіка 2022 года пераведзены ў ПК-2 для адбывання пакарання. 

Выйшаў на волю 29 чэрвеня 2024 года. 

Шчучын: Палітвязню блогеру Vadimati прысудзілі тры гады калоніі

"Мяне знішчаюць на волі, магчыма, мне будзе складана ў турме, але я буду трымацца дзеля вас!" — крыкнуў Вадзім, калі яго выводзілі.

Абвінавачанне запрасіла для блогера Vadimati тры гады калоніі

Vadimati абвінавачваюць у «абразе дзяржаўных сімвалаў» і «абразе прэзідэнта».

Гродзенскі блогер Vadimati, якога судзяць за абразу дзяржаўнага сцяга і прэзідэнта, адмовіўся даваць паказанні

У судзе Шчучынскага раёна 14 снежня пачаўся разгляд крымінальнай справы палітзняволенага Вадзіма Ермашука (блогер Vadimati) Яго абвінавачваюць у абразе дзяржаўных сімвалаў (арт. 370 КК) і абразе прэзідэнта (арт. 368 КК).