Вадзім Ермаловіч
Дата нараджэння: 13 красавіка 1985
Дата затрымання: 14 красавіка 2021
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 1 год і 6 месяцаў
Від пакарання: абмежаванне волі з накіраваннем у папраўчую ўстанову адкрытага тыпу ("хімія")
Дата пачатку адбыцця пакарання: 24 верасня 2021
Дата вызвалення: 7 лістапада 2022
Суддзя: Карабліна Наталля
Пракурор: Філімонаў Аляксандр
Вадзім Алегавіч Ермаловіч асуджаны на паўтара года абмежавання волі з накіраваннем у папраўчую ўстанову адкрытага тыпу ("хімія") за абразу камандзіра мінскага АМАПу Дзмітрыя Балабы.
Мужчына знаходзіўся пад вартай з 14 красавіка 2021 г. у віцебскім СІЗА-2 да суда ў чэрвені пасля затрымання на літоўскай мяжы. Там яго паставілі на прафілактычны ўлік як "схільнага да экстрэмізму".
Падставай для ўзбуджэння крымінальнай справы стаў каментар ў Telegram. Крымінальную справу на Ермаловіча завялі ў яго Дзень народзінаў, 13 красавіка.
Ермаловіч пачаў адбываць пакаранне 24 верасня 2021 года ў ПУАТ № 55.
Вадзім цалкам адбыў тэрмін і ў лістападзе 2022 г. выйшаў на волю.
1,5 гады "хіміі", затрыманне на мяжы, два месяцы ў СІЗА, прафулік: што перажыў віцяблянін за абразу Балабы