Вадзіма Чараўко затрымалі ў снежні 2023 году. На "пакаяльным відэа" 18 снежня затрыманы кажа, што мае пасаду намесніка дырэктара па развіцці фірмы, якая займаецца праектаваннем сістэм кіравання і беспілотнымі сістэмамі. Мужчыну прымусілі прызнацца ва ўдзеле ў пратэстах, а таксама сказаць, што ў яго дома была знойдзена марыхуана.

Ён утрымліваўся пад вартай у рамках крымінальнай справы паводле арт. 342 Крымінальнага кодэксу (арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх). Вадзіму прысудзілі пакаранне ў выглядзе "хатняй хіміі", але тэрмін невядомы. 

18 чэрвеня 2024 г. у Вадзіма адбыўся разгляд апеляцыйнай скаргі. Старшыня судовай калегіі Анастасія Папко. 

13 ліпеня 2024 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

На 16 верасня 2024 г. у Вадзіма прызначаны разгляд справы "аб замене абмежавання волі без накіравання ў папраўчую ўстанову адкрытага тыпу", у судзе Мінскага раёна. Суддзя Віктар Шаўцоў. 

 У 2024 г. дададзены ў базу вышуку Расіі.