Уладзіслаў Віктаравіч Макавецкі — мастак паводле адукацыі, вядомы як аўтар 24-метровай драўлянай лыжкі, якую выразаў у Беразіно. Працаваў таксама ў Цэнтры рамёстваў у Лёзне. Займаецца калекцыянаваннем і рэстаўрацыяй гістарычных артэфактаў.

Паводле словаў прэс-сакратаркі міністэрства ўнутраных справаў Вольгі Чамаданавай, мужчына — адзін з актыўных удзельнікаў нападу на працаўнікоў міліцыі і калекцыянер фашысцкай сімволікі. Яго абвінавацілі ў злачынстве паводле арт. 364 КК (Гвалт або пагроза ўжывання гвалту ў дачыненні да супрацоўніка ўнутраных спраў).

У апошнім слове Уладзіслаў Макавецкі сказаў, што не меў намеру нанесці камусьці шкоду і нікому яе не прычыніў.

"Так проста атрымалася, і за гэта я прашу прабачэння. Прашу не караць мяне строга. Больш нічога не магу дадаць", — сказаў Уладзіслаў Макавецкі.

16 снежня 2020 года суд пакараў Уладзіслава Макавецкага двума гадамі калоніі агульнага рэжыму. Адбываў пакаранне ў ПК-22. 

7 ліпеня 2022 года Уладзіслаў Макавецкі цалкам адбыў пакаранне і выйшаў на волю.

Былы палітвязень Уладзіслаў Макавецкі расказаў пра "Воўчыя норы" і сустрэчы з мастаком Алесем Пушкіным

Разьбяр па дрэве і былы палітвязень цалкам адбыў двухгадовы тэрмін у івацэвіцкай калоніі. У "Воўчых норах" сябраваў з Паўлам Юхневічам і Алесем Пушкіным. Размаўляем з Уладзіславам Макавецкім пра ката Друшу, Алеся Пушкіна і Беларусь на раздарожжы.

Лісты з-за кратаў: творчасць зняволеных

Некалькі гадоў таму Уладзіслаў Макавецкі выразаў 23-метровую лыжку, а зараз — дасылае з-за кратаў малюнкі чорнай асадкай.

Мастак-вязень Уладзіслаў Макавецкі: Я вытрываю, я пераадолею, усё будзе добра!

Уладзіслаў Макавецкі перадае праз маці «велізарныя падзякі» за лісты, якія атрымлівае з волі. Кажа пра фантастычную падтрымку.

Уладзіслава Макавецкага з Віцебска асудзілі на два гады калоніі за тое, што замахнуўся дубінкай на міліцыянта

16 снежня ў судзе Кастрычніцкага раёна г. Віцебска суддзя Сняжана Кіндзеева вынесла прысуд у дачыненні да 27-гадовага мастака Уладзіслава Макавецкага

Мастака Уладзіслава Макавецкага судзяць за тое, што замахнуўся на міліцыянта дубінкай

Справу разбірае суддзя Сняжана Кіндзеева.