Уладзіслаў Сяргеевіч Цімашчук — барбер з Петрыкава. 

16 сакавіка 2021 года на сваёй старонцы ў Instagram выклаў чатыры Stories, дзе, паддаўшыся эмоцыям, напісаў паведамленні, якія змяшчаюць выразы тыпу «граміць АМАП за сваіх сясцёр», «утапіць у крыві». Падштурхнула яго да такіх дзеянняў затрыманне і збіццё былой супрацоўніцы МТЗ. Як прызнаў потым сам Уладзіслаў, ён у гэты час быў пад уплывам алкаголю.

Уладзіславу прысудзілі тры гады калоніі агульнага рэжыму паводле ч. 1 арт. 130 Крымінальнага кодэксу (Распальванне сацыяльнай варожасці).

У сярэдзіне сакавіка 2022 года Уладзіслаў быў этапаваны з Турмы №4 у наваполацкую ПК №1.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Вызвалены напрыканцы 2023 г. З'ехаў з Беларусі.