Уладзіслаў Бандарык - былы студэнт БДУ (загад наконт яго адлічэння з'явіўся праз месяц пасля затрымання).

Яго затрымалі з сябрамі 19 студзеня 2022 года, калі яны на Нямізе здымалі відэаагляд на дроны для свайго ютуб-блога Nick&Bon. Супрацоўнікі АМАПа адразу праверылі тэлефоны хлопцаў і знайшлі там фота і відэа з самага шматлікага ў гісторыі Беларусі Марша пратэсту 16 жніўня 2020 года.

Уладзіслаў проста ішоў у натоўпе — за гэта яго засудзілі па арт. 342 Крымінальнага кодэксу РБ да 2,5 гадоў "хіміі". Але да суда яго арыштавалі на 15 сутак за "непадпарадкаванне" і ўтрымлівалі на "Валадарцы" яшчэ каля двух месяцаў.

19 красавіка 2022 г. над Уладзіславам і яго сябрам пачаўся суд, які скончыўся 2,5 гадамі "хіміі" кожнаму.

24-гадовы Уладзіслаў пакінуў Беларусь, каб "не губляць час на "хіміі", а паехаць далей развівацца". 

Здымаў відэаагляд дронаў на Нямізе, але быў затрыманы за ўдзел у Маршы. Гісторыя палітзняволенага студэнта і блогера

Студэнта БДУ Уладзіслава Бандарыка затрымалі з сябрамі сёлета 19 студзеня, калі яны на Нямізе здымалі відэаагляд на дроны для свайго ютуб-блога Nick&Bon. Супрацоўнікі АМАПа адразу праверылі тэлефоны хлопцаў і знайшлі там фота і відэа з самага шматлікага ў гісторыі Беларусі Марша пратэсту 16 жніўня 2020 года. Уладзіслаў проста ішоў у натоўпе — за гэта яго засудзілі да 2,5 гадоў "хіміі". Але да суда яго арыштавалі на 15 сутак за "непадпарадкаванне" і ўтрымлівалі на "Валадарцы" яшчэ каля двух месяцаў. Уладзіслаў вучыўся на першым курсе ў БДУ — загад наконт яго адлічэння з'явіўся праз месяц пасля затрымання. 24-гадовы Уладзіслаў пакінуў Беларусь, каб "не губляць час на "хіміі", а паехаць далей развівацца". Былы палітвязень распавёў "Вясне" пра сваё затрыманне, збіванні на Акрэсціна і два месяцы ў СІЗА-1.