Уладзімір Аляксандравіч Жук — пенсіянер, былы кіроўца Жлобінскага РАУС. Яго затрымалі 26 траўня 2021 года па крымінальнай справе, узбуджанай за паслявыбарчыя пратэсты ў горадзе ў жніўні 2020 года. 28 траўня яго ўзялі пад варту.

Яго абвінавацілі ў тым, што ён з'яўляўся арганізатарам і ўдзельнікам масавых беспарадкаў у Жлобіне ў ноч з 9 на 10 жніўня: стаяў у счэпцы, перакрываў рух транспарту і аказваў супраціў. Згодна з абвінавачаннем, ён таксама ўжыў гвалт у дачыненні да супрацоўнікаў міліцыі, знаходзячыся ў стане алкагольнага ап'янення. 

Па артыкулах 364 КК (Гвалт у адносінах да міліцыі) і 342 КК (Групавыя дзеянні, якія груба парушаюць грамадскі) яму прысудзілі тры гады пазбазлення волі ў калоніі агульнага рэжыму.

На пачатку студзеня 2022 стала вядома аб пераводзе Уладзіміра з СІЗА-3 у ПК № 3.

Паводле падлікаў праваабаронцаў вызвалены вясной 2024 года.

У Светлагорску былога кіроўцу РАУС асудзілі да трох гадоў пазбаўлення волі

У Светлагорску вынеслі прысуд 51-гадоваму жыхару Жлобіна Уладзіміру Жуку. Яго прызналі вінаватым паводле ч.1 арт. 342 Крымінальнага кодэкса, а таксама арт. 364 КК. Паводле арт.342 КК яго асудзілі на 1,5 гады, паводле арт.364 КК — на тры гады. Па сукупнасці пакаранняў шляхам паглынання менш строгага больш строгім яму прызначылі тры гады пазбаўлення волі ў калоніі агульнага рэжыму.