Уладзімір Андрэевіч Запольскіх — студэнт юрыдычнага факультэта БДУ. Быў затрыманы па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. Быў затрыманы 29 верасня 2022 г. 

Юнака абвінавацілі ў распальванні іншай сацыяльнай варожасці (ч. 1 арт. 130 КК), арганізацыі і падрыхтоўцы дзеянняў, якія груба парушаюць грамадскі парадак, альбо актыўным ўдзеле ў іх (ч. 1 арт. 342 КК) і абразе прадстаўніка ўлады (арт. 369 КК).

У Мінскім гарадскім судзе 25 лістапада 2022 г. быў вынесены прысуд. Суддзя Святлана Бандарэнка пастанавіла прызнаць Уладзіміра вінаватым і асудзіць да пазбаўлення волі ў калоніі ва ўмовах агульнага рэжыму тэрмінам на два гады, а таксама штрафу ў памеры 200 базавых велічынь.

Уладзімір адбыў тэрмін і напрыканцы студзеня 2023 г. выйшаў на волю.

Пазней стала вядома, што Уладзіміра ізноў затрымалі ў траўні 2023 года і змясцілі ў СІЗА па новай крымінальнай справе паводле арт. 369 КК (Абраза прадстаўніка ўлады) і арт. 368 КК (Абраза Лукашэнкі). 22 снежня 2023 года суддзя суда Цэнтральнага раёна Мінска Дзмітрый Карсюк прысудзіў яму яшчэ 1 год пазбаўлення волі. 

16 лютага 2024 г. разгледзелі апеляцыйную скаргу Уладзіміра. 

Утрымліваўся ў СІЗА-1, адбываў тэрмін у ПК № 11. Вядома, што палітвязня рэгулярна змяшчалі у ШІЗА. 

Выйшаў на волю ў лістападзе 2024 г. 

Былога палітвязня зноў асудзілі да калоніі за каментары

Палітзняволенага Уладзіміра Запольскіх асудзілі другі раз паводле арт. 369 КК (Абраза прадстаўніка ўлады) і арт. 368 КК (Абраза Лукашэнкі). 22 снежня 2023 года суддзя суда Цэнтральнага раёна Мінска Дзмітрый Карсюк прысудзіў яму яшчэ год пазбаўлення волі ў калоніі агульнага рэжыму.

Студэнта юрыдычнага факультэта БДУ асудзілі да двух гадоў калоніі і штрафу па пратэсных артыкулах

Суд праходзіў тры дні ў закрытым рэжыме.