Уладзімір Георгіевіч Малахоўскі - жыхар Віцебска, сябра партыі БНФ, прымаў удзел у назіранні за выбарамі. Хварэе на анкалогію, мае 3 групу інваліднасці. 

Паводле абвінавачання па арт. 364 КК (Гвалт у дачыненні да міліцыі), Уладзімір Малахоўскі падчас затрымання на акцыі пратэсту спрабаваў нанесці траўмуючыя ўдары па розных часцях цела міліцыянтаў, пашкодзіў форму, завалодаў міліцэйскім жэтонам, а пазней, ужо будучы затрыманым і знаходзячыся ў аўтазаку, распыліў газ з балончыку ў бок міліцыянтаў.

 Ад 13 студзеня 2021 года мужчына ўтрымліваецца ў СІЗА-2. Сваёй віны на судзе Малахоўскі не прызнаў.

У судзе Першамайскага раёну Віцебску 1 сакавіка 2021 года вынеслі абвінаваўчы прысуд Уладзіміру Малахоўскаму. Суддзя Таццяна Родзіна прызнала віцябляніна вінаватым і пакарала пазбаўленнем волі на 3 гады і 6 месяцаў у калоніі агульнага рэжыму.

Хворага на рак мужчыну могуць пасадзіць на 6 гадоў – за гвалт да супрацоўнікаў МУС

Суд Першамайскага раёну Віцебску 22 лютага пачаў разглядаць крымінальную справу 54-гадовага Уладзіміра Малахоўскага. Яго абвінавачваюць паводле арт. 364 КК («Гвалт або пагроза гвалтам у дачыненні да супрацоўнікаў МУС»). Ад 13 студзеня мужчына ўтрымліваецца ў СІЗА-2. Ён мае трэцюю групу інваліднасці і хварэе на анкалогію.

Жыхара Віцебска, хворага на анкалогію, асудзілі на тры з паловай гады калоніі за гвалт супраць міліцыі

У судзе Першамайскага раёну Віцебску 1 сакавіка вынеслі абвінаваўчы прысуд у дачыненні да 54 гадовага Уладзіміра Малахоўскага, якому інкрымінавалі гвалтоўныя дзеянні супраць міліцыянтаў (арт. 364 КК). Суддзя Таццяна Родзіна прызнала віцябляніна вінаватым і пакарала пазбаўленнем волі на 3 гады і 6 месяцаў у калоніі агульнага рэжыму, паведамляе "Віцебская Вясна".