Уладзімір Ігаравіч Бялоў — жыхар Бабруйска, якога абвінавацілі ў здзяйсненні злачынства паводле арт. 369 КК за абразу міліцыянтаў — старшага інспектара прафілактыкі ААПП Дубровенскага РАУС Аляксандра Шлупакова і оперупаўнаважанага групы па барацьбе з наркакантролем і супрацьдзеянні гандлю людзьмі Дубровенскага РАУС Сяргея Шрамава.

Вядома, што Бялоў абразіў пацярпелых у сацсетках - напісаў пра іх зневажальныя каментары. Але якія – не ўдакладняецца. 22 снежня мужчыну затрымалі і да суда ўтрымлівалі ў СІЗА.

Суддзя Алена Літвіна 15 лютага 2022 года ў судзе Ленінскага раёна Магілёва прызнала Бялова вінаватым у здзяйсненні злачынства па арт. 369 КК РБ і прысудзіла яму 2 гады абмежавання волі з накіраваннем у ПУАТ № 9. Бялова вызвалілі пад падпіску аб нявыездзе ў залі суда. Кожны дзень знаходжання ў следчым ізалятары бабруйчаніну залічаць за два дні на «хіміі».

Па падліках праваабаронцаў мусіў выйсці на волю напрыканцы 2023 г.

Зняважыў міліцыянтаў – два гады «хіміі»

15 лютага у судзе Ленінскага раёна Магілёва разглядзелі справу бабруйчаніна Уладзіміра Бялова.