Уладзімір Віктаравіч Агіевіч быў затрыманы ў Брэсце па крымінальнай справе, распачатай за каментары ў інтэрнэце пасля гібелі ў мінскай кватэры супрацоўніка КДБ Дзмітрыя Федасюка і it-спецыяліста Андрэя Зельцэра.

Агіевіча абвінавацілі ў тым, што 29 верасня 2021 года ў суполцы "Онлайн Брест" ён пакінуў каментар «Хороший кгбшник — мертвый кгбшник)». Праз тры гадзіны да Уладзіміра прыйшлі сілавікі. З ягонага тэлефона зрабілі скрыншоты, а спрэчны каментар прымусілі выдаліць. Пасля гэтага мужчыну затрымалі.

Уладзімір праходзіў па крымінальнай справе паводле ч. 1 арт. 130 КК (Распальванне сацыяльнай варожасці).

У канцы красавіка 2022 года палітвязня перавялі з СТ № 8 у брэсцкі СІЗА-7.

26 красавіка 2022 года пачаўся суд над Уладзімірам. 28 красавіка быў вынесены прысуд: тры гады зняволення ў калоніі агульнага рэжыму.

7 ліпеня 2022 г. КДБ унёс Уладзіміра ў спіс "тэрарыстаў".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

У сярэдзіне лютага 2023 г. стала вядома, што палітвязня этапавалі ў бабруйскую ПК № 2.

Мусіў выйсці на волю 17 траўня 2024 г. 

Чарговы прысуд па "справе Зельцэра": тры гады калоніі за каментар

Уладзімір на судзе, як і з самых першых допытаў настойваў: ён успрымаў відэа з кватэры Зэльцэра як пастановачнае, бо яно было знятае з розных камер і змантаванае з невялікіх урыўкаў. І таму гэта выклікала ў яго асацыяцыю з фільмам "Хороший коп — мёртвый коп", і ён проста перафразаваў назву.