Таццяна Васільеўна Гацура-Яворская - беларуская праваабаронца, кіраўніца Грамадскага аб'яднання "Звяно". Таццяна - маці чатырох дзяцей і арганізатарка шматлікіх культурных ініцыятыў і мерапрыемстваў.

5 красавіка 2021 года ў яе ў кватэры і на лецішчы прайшоў ператрус, таксама ператрус праходзіў у Офісе грамадскага аб'яднання "Звяно". Таццяна і яшчэ чатыры чалавекі, якія маюць дачыненне да выставы "Машына дыхае, а я - не", прысвечанай беларускім медыкам і выклікам, з якімі яны сутыкнуліся за апошні час: пандэміяй COVID-19 і палітызацыяй сістэмы аховы здароўя, былі затрыманыя і змешчаныя ў ІЧУ на Акрэсціна.

Пасля стала вядома, што ў дачыненні да ўсіх пецярых адбыліся суды ў рамках адміністрацыйнай справы і яны былі прызнаныя вінаватымі ў непадпарадкаванні законнаму распараджэнню ці патрабаванню супрацоўнікаў праваахоўных органаў. Да Таццяны Гацуры-Яворскай таксама была ўжытая адміністрацыйная санкцыя: штраф у памеры 50 базавых велічынь.

Аднак Таццяна не была адпушчаная з будынка ІЧУ, была затрыманая ўжо ў межах крымінальнай справы і пераведзеная ў СІЗА на Валадарскага.

На 10 дзень утрымання, 15 красавіка 2021 года, яе вызвалілі з-пад варты. Абвінавачванне прад'яўлена не было.

"Разумею перадузятасць украінцаў да беларусаў". Як палітзняволеная з Мінску дапамагае УСУ

Гісторыя беларускай экс-палітзняволенай Таццяны Гацуры-Яворскай, якая адкрыла грамадскую арганізацыю ва Украіне і дапамагае УСУ.

Заява аб недапушчальнасці пераследу праваабаронцаў Таццяны Гацуры-Яворскай і Эніры Браніцкай

5 красавіка 2021 года прайшоў ператрус у грамадскім аб'яднанні "Звяно", а таксама дома ў праваабаронцы Таццяны Гацуры-Яворскай і актывістак Наталлі Трэніной і Юліі Сяменчанка. Усе яны мелі дачыненне да выставы "Машына дыхае, а я - не". Выстава была прысвечана беларускім медыкам і выклікам, з якімі яны сутыкнуліся за апошні час: пандэміяй COVID-19 і палітызацыяй сістэмы аховы здароўя. Выстава пачала працу 30 сакавіка, але ўжо 1 красавіка пляцоўку, на якой праходзіла выстава, закрылі ў выніку праверкі МНС і санстанцыі, а выстава была перанесеная ў анлайн.

Новае пакаленне. Таццяна Гацура-Яворская, якой за ўсіх баліць

Яны таленавітыя харызматыкі, яны ўжо мяняюць наша жыццё. Яны жывуць па сваіх правілах і ператвараюцца ў новых лідараў. Еўрарадыё і фатограф Таццяна Менская працягваюць Праект "Лад жыцця. Новае пакаленне". Сёння наша гераіня — Таццяна Гацура-Яворская — маці чацвярых дзяцей і арганізатарка культурных мерапрыемстваў.