Святлана Генадзьеўна Баканава змешчана пад варту па арт. 368 КК за абразу А.Лукашэнкі.

Спачатку яна была асуджаная па адміністрацыйным артыкуле за "распаўсюджванне, выраб, захоўванне, перавозку інфармацыйнай прадукцыі, якая змяшчае заклікі да экстрэмісцкай дзейнасці або якая прапагандуе такую дзейнасць", пасля гэтага на яе была заведзеная крымінальная справа за абразу Лукашэнкі.

У судзе Баранавіцкага раёна і Баранавічаў 17 жніўня 2023 г. Святлану абвінавацілі ў паклёпе на Аляксандра Лукашэнку паводле ч. 2 арт. 367 Крымінальнага кодэкса. Працэс вёў суддзя Мікалай Кміта.

Па матэрыялах абвінавачання, Святлана Баканава на сваёй старонцы ў “Аднакласніках” нібыта "размясціла публікацыю і відэазапіс з застаўкай, якія змяшчаюць загадзя ілжывыя звесткі пра Аляксандра Лукашэнку, спалучаныя з абвінавачваннем яго ў здзяйсненні асабліва цяжкіх злачынстваў, такіх як “забойства”, “здрада дзяржаве”, якія не адпавядаюць рэчаіснасці і дыскрэдытуюць яго аўтарытэт у вачах грамадскасці".

Суд прызначыў Святлане пакаранне ў выглядзе пазбаўлення волі на тэрмін 1 год з адбываннем пакарання ў папраўчай калоніі ва ўмовах агульнага рэжыму. Мабільны тэлефон жанчыны канфіскаваны ў даход дзяржавы.

8 верасня МУС унёс прозвішча Святланы Баканавай ў спіс “Асоб, датычных да экстрэмісцкай дзейнасці”.

Адбывае пакаранне ў ПК-4. 

Палітзняволеную жыхарку Баранавіцкага раёна асудзілі за паклёп на Аляксандра Лукашэнку

У судзе Баранавіцкага раёна і Баранавічаў 17 жніўня вынесены прысуд 36-гадовай палітзняволенай жыхарцы вёскі Скробава Святлане Баканавай. Ян абвінавацілі нібыта ў паклёпе на Аляксандра Лукашэнкі паводле ч. 2 арт. 367 Крымінальнага кодэкса.