Святаслаў Удот

Дата нараджэння: 20 ліпеня 1967

Дата затрымання: 22 красавіка 2021

Прад'яўленыя абвінавачванні:

ч. 2 арт. 339 Крымінальнага кодэкса — Хуліганства, здзейсненае групай асобаў
ч. 1 арт. 339 Крымінальнага кодэкса — Хуліганства

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Суддзя: Казлова Анжаліка

Пракурор: Касінская Крысціна

Святаслаў Арсеньевіч Удот — анестэзіёлаг-рэаніматолаг, затрыманы 22 красавіка 2021 супрацоўнікамі Бараўлянскага аддзялення міліцыі. Мужчыну вінавацілі у тым, што "22 красавіка каля 2:20 ночы на прыпынку Боровляны-6 наляпіў ліст А4 з надпісам "Белорусам — воля, крысе — подвал".

Неўзабаве ў дачыненні да Святаслава была ўзбуджаная крымінальная справа паводле ч. 1 і ч. 2 арт. 339 КК РБ (злоснае хуліганства і паўторнае злоснае хуліганства). Яго абвінавацілі ў падпале чатырох "Табакерак".

2 жніўня 2021 года Святаслаў быў асуджаны да 2 гадоў пазбаўлення волі, якія адбывае ў Папраўчай калоніі № 22.

Адбыў пакаранне, і ў красавіку 2023 года выйшаў на волю.

"Я за здаровую нацыю". За падпал чатырох "Табакерак" да двух гадоў калоніі асудзілі лекара з Бараўлянаў

У Мінскім раённым судзе 2 жніўня 2021 года да двух гадоў калоніі агульнага рэжыму асудзілі 53-гадовага лекара анестэзіёлага-рэаніматога Святаслава Удота. У дзяржаўнай сістэме аховы здароўя ён прапрацаваў 24 гады. У канцы красавіка яго затрымалі за расклейку налепак з фразай "Беларусам – воля, пацуку – падвал" на прыпынку ў Бараўлянах і арыштавалі на 15 сутак. Неўзабаве супраць лекара распачалі крымінальную справу па па ч. 1 і ч. 2 арт. 339 КК (злоснае хуліганства і паўторнае злоснае хуліганства), абвінаваціўшы ў падпале чатырох "Табакерак" і разбітым акне ў адной з іх. На судзе мужчына растлумачыў свае дзеянні тым, што ён як лекар выступае за здаровы лад жыцця і здаровую нацыю, таму хацеў, каб усе "Табакеркі", якія ёсць у Бараўлянах (чатыры штукі) спынілі сваю працу. Амаль тры месяцы Святаслава ўтрымлівалі ў следчай турме ў Жодзіне. Прысуд лекару вынесла суддзя Анжаліка Казлова, дзяржабвінавачанне падтрымлівала памочніца пракурора Мінскага раёна Крысціна Касінская. "Вясна" распавядае абставіны справы.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»