МГС 12 жніўня 2021 года асудзіў 48-гадовага Святаслава Лепешава да чатырох гадоў "хіміі" за пагрозу забойствам супрацоўніку RT Прыдыбайлу з RT (арт. 186 КК) і распальванне нацыянальнай варожасці ў адносінах да рускіх (арт. 130 КК).

Лепешева затрымлівалі 28 ліпеня ў Гродне, дзе ён адбываў пакаранне ў гродзенскім ПУАТ № 24. Сілавікі апублікавалі "пакаяльнае" відэа з ім.

2 лістапада 2022 года ў судзе Кастрычніцкага раёна Гродна было разгледжана пытанне аб замене "хіміі". Ягоную справу разглядаў суддзя Уладзімір Пазняк. Лепешаву ўзмацнілі рэжым.

Праваабаронцам стала вядома, што ў мужчыны пачаліся моцныя праблемы са здароўем. За час знаходжання ў папраўчай установе праз цяжкую працу там, якая яму супрацьпаказаная, у яго пачаў падаць зрок. Акрамя гэтага, пасля затрымання супрацоўнікамі ГУБАЗіКа 28 ліпеня за лайк у фэйсбуку ў 2020 годзе, яго ўдарылі галавой — праз гэта сітуацыя з вачыма пагоршылася. Лекары паставілі яму дыягназ — дыябетычная рынапація, яму пачалі лячэнне лазерам, але ў сувязі з узмацненнем рэжыму яго прыйшлося перарваць. Мужчыну можа пагражаць слепата і інваліднасць.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці. 

Праваабаронцы “Вясны” накіравалі зварот спецдакладчыкам ААН з нагоды моцнага пагаршэння здароўя вязня Святаслава Лепешава

Праваабаронцы “Вясны” звярнуліся да спецдакладчыкаў па Беларусі, адвольным затрыманні, свабодзе выяўлення меркаванняў, здароўі, катаваннях.

"Табе піздз*ц". Мінчука асудзілі да 4 гадоў "хіміі" за пагрозы Прыдыбайлу і распальванне варожасці да рускіх

Мінскі гарадскі суд 12 жніўня асудзіў 48-гадовага мінчука Святаслава Лепешава да чатырох гадоў "хіміі" за пагрозу забойствам расійскаму прапагандысту Канстанціну Прыдыбайлу з RT (арт. 186 КК) і распальванне нацыянальнай варожасці ў адносінах да рускіх (арт. 130 КК). 14 верасня Лепешаў убачыў нумар тэлефона Прыдыбайла ў "Чорнай кнізе Беларусі", патэлефанаваў яму і сказаў: "Табе піздз*ц". Падчас суда стала вядома, што ў мэтах бяспекі прапагандыста тады перавезлі ў амбасаду Расіі ў Мінску. Пацярпелы Прыдыбайла змог прысутнічаць на судзе толькі ў дзень спрэчак. Ён заявіў грамадзянскі пазоў у выглядзе 3 000 рублёў за "маральныя пакуты". Следчыя таксама знайшлі перапіскі Лепешава на парталах "Обсуждай" і "Спрашивай", дзе ён пісаў, напрыклад, такія выразы як "добры маскаль — мёртвы маскаль". За гэта супраць Лепешава распачалі крымінальную справу за распальванне нацыянальнай варожасці. Справу разглядаў суддзя Пётр Арлоў, дзяржаўнае абвінавачванне падтрымлівала Маргарыта Курыловіч. "Вясна" распавядае пра працэс, які доўжыўся больш за два месяцы.