Станіслаў Аляксандравіч Паўлінковіч — актывіст з Магілёва.

2 траўня 2020 года Паўлінковіч прыняў удзел у мясцовай акцыі па кармленні галубоў. 8 траўня яго непасрэдна на працоўным месцы затрымалі супрацоўнікі міліцыі, пасля чаго склалі на яго адміністрацыйны пратакол за ўдзел у несанкцыянаваным масавым мерапрыемстве. Па гэтай справе Стас атрымаў 15 сутак арышту. За пару дзён да вызвалення, 21 траўня, Паўлінковіча зноў вывезлі на суд, каб судзіць за непадпарадкаванне міліцыі. Суд выйшаў таемным — ніхто з журналістаў, праваабаронцаў і нават сваякоў Стаса нават не ведаў, што яго вывезлі з ІЧУ дзеля яшчэ аднаго працэсу.

Па адным з пратаколаў Паўлінковічу далі 1215 рублёў штрафу, па другім — яшчэ 15 сутак арышту. Менавіта ў гэты момант Стас не стрымаўся і выказаў проста ў зале суда словы рознай ступені абразлівасці, датычныя дзейнасці суддзі Аксаны Ратнікавай. За гэта на яго завялі крымінальную справу па арт. 391 КК (Абраза суддзі).

29 кастрычніка 2020 года ў судзе Магілёўскага раёну суддзя Курпачэнка прызначыў Паўлінковічу тры гады абмежавання волі ў папраўчай установе адкрытага тыпу з вызваленнем ад пакарання тэрмінам на 1 год з прычыны амністыі. 

29 сакавіка 2021 Паўлінковіча накіравалі адбываць пакаранне ў папраўчую ўстанову № 39 у Крупкі.

15 лютага 2022 на "хімію" да Станіслава прыехалі супрацоўнікі КДБ, якія зрабілі ператрус, прымусілі разблакаваць тэлефон. Палітвязня змясцілі ў СІЗА-3.

Як пазней стала вядома, з 15 лютага па 29 красавіка Станіслаў знаходзіўся "на сутках". 29 красавіка 2022 года Паўлінковічу замянілі "хімію" на 5,5 месяцаў ва ўмовах калоніі агульнага рэжыму. З чым звязаная замена пакарання — дакладна невядома. 10 траўня яго перавялі з СІЗА-3 у жодзінскую турму, а 26 траўня — у наваполацкую ПК № 1. Вядома, што адміністрацыя папраўчай установы рэгулярна змяшчала палітвязня ў ШІЗА.

Станіслаў цалкам адбыў тэрмін і 24 кастрычніка 2022 г. выйшаў на волю.

"Ні ў якім разе не гань прэзідэнта!". Бацьку былога палітвязня Станіслава Паўлінковіча выклікалі на размову ў КДБ

Магілёўца Станіслава Паўлінковіча ў кастрычніку 2020 года асудзілі на тры гады "хіміі" за абразу суддзі.

“У калоніі самае балючае – гэта інфармацыйная ізаляцыя”. Размова з былым палітвязнем Станіславам Паўлінковічам

Станіслава Паўлінковіча ў кастрычніку 2020 года асудзілі на тры гады "хіміі" за абразу суддзі.

Масавы пераслед палітзняволеных "хімікаў": што вядома цяпер

15 лютага у ПУАТ №39 быў затрыманы палітзняволены актывіст з Магілёва Станіслаў Паўлінковіч, у ПУАТ №45 затрыманы палітвязень Дзяніс Граханаў, у ПУАТ №49 — Георгій Васіленка.

Два гады за абразу суддзі. У Магілёве – першы асуджаны па "крыміналцы" палітычны актывіст

29 кастрычніка ў Магілёве у судзе Магілёўскага раёну скончыўся разгляд крымінальнай справы ў дачыненні да актывіста Станіслава Паўлінковіча, якога абвінавацілі ў абразе суддзі (391 КК РБ) суда Ленінскага раёна Аксаны Ратнікавай ў траўні 2020 года. Суддзя Курпачэнка прызначыў Паўлінковічу тры гады абмежавання волі ў папраўчай установе адкрытага тыпу з вызваленнем ад пакарання тэрмінам на 1 год з прычыны амністыі. Пра гэта паведамляе mspring.online.

 

Заключэнне экспертаў і юрыстаў ПЦ «Вясна» па крымінальнай справе Станіслава Паўлінковіча па арт. 391 КК

29 кастрычніка 2020 года Станіслаў Паўлінковіч быў асуджаны суддзёй суда Магілёўскага раёна Магілёўскай вобласці М.С. Курпачэнкам паводле артыкула 391 КК да пакарання ў выглядзе абмежавання волі з накіраваннем у папраўчую ўстанову адкрытага тыпу тэрмінам на 3 гады. У адпаведнасці з артыкулам 7 Закона Рэспублікі Беларусь ад 18 мая 2020 г. №17-З «Аб амністыі ў сувязі з 75-годдзем Перамогі ў Вялікай Айчыннай вайне 1941-1945 гадоў» Паўлінковіч падлягае вызваленню ад пакарання ў выглядзе абмежавання волі часткова тэрмінам на 1 год. Прадстаўнікі ПЦ "Вясна" ажыццяўлялі бесперапынны маніторынг судовага пасяджэння.