Сяргей Мефодзьевіч Васільеў — жыхар Мёраў, быў затрыманы ў жніўні 2021 года за тое, што разгарнуў у грамадскім месцы таблічку з надпісам "Узурпатар". Да суда ў снежні таго ж года палітвязень утрымліваўся ў СІЗА Жодзіна.

Сяргея асудзілі на тры гады абмежавання волі з накіраваннем у папраўчую ўстанову адкрытага тыпу № 46 за "паклёп" на Лукашэнку.

Выйшаў на волю ў пачатку 2024 г. Пасля вызвалення жыве ў Мёрах.

У красавіку 2024 г. стала вядома, што былога палітвязня зноў судзілі.

Апублікаваная пастанова суда. Згодна ёй Васільеў 7 красавіка 2024 года стаяў з плакатам каля ўвахода ў будынак Мёрскай адміністрацыі. Што было зместам надпісу на плакаце, невядома. На судзе 10 красавіка актывіст пацвердзіў, што стаяў з плакатам. У выніку суддзя Яскевіч Ірына арыштавала мужчыну на 15 сутак.