Сяргей Юр'евіч Рымша – жыхар Гродна, асуджаны на тры з паловай гады па артыкулах 364 Крымінальнага кодэкса (Гвалт у дачыненни да супрацоўнікаў міліцыі) і 342 КК (Актыўны ўдзел у групавых дзеяннях, якія груба парушаюць грамадскі парадак.

Сяргей Рымша быў на Савецкай плошчы Гроднай падчас акцыі пратэста 9 жніўня. Згодна з матэрыяламі справы, у 23.15 у таніраваны мікрааўтобус з супрацоўнікамі міліцыі паляцеў камень. За гэта затрымалі Сяргея Рымшу. Пры затрыманні збілі, завезлі ў Ленінскі РАУС і паведамілі, што на яго заведзеная крымінальная справа. Рымша адмаўляў той факт, што гэта ён кідаў каменне ў мікрааўтобус.

Працэс над Рымшам цягнуўся больш за два месяцы. 21 студзеня суд Ленінскага раёна Гародні вынес вырак Сяргею Рымшу: яго прызналі вінаватым і асудзілі да 3,5 гадоў пазбаўлення волі ў калоніі агульнага рэжыму.

Ідуць суды за гвалтоўныя дзеянні ў дачыненні да сілавікоў

У судах Беларусі сёння разглядаліся крымінальныя справы, узбуджаныя за прымяненне гвалту альбо пагрозы прымянення гвалту ў дачыненні да супрацоўніка органаў унутраных спраў (артыкул 364 КК РБ).

Суд па справе Сяргея Рымшы: сведкі ня ведаюць, хто кінуў камень у міліцэйскую "Газэль"

У судзе Ленінскага раёна Гародні 19 лістапада - чарговае пасяджэнне па крымінальнай справе, заведзенай на мясцовага жыхара Сяргея Рымшу. Яго абвінавачваюць адразу па 2 артыкулах Крымінальнага кодэксу: 342 КК РБ (Арганізацыя або актыўны ўдзел у групавых дзеяннях, якія груба парушаюць грамадскі парадак) і 364 КК РБ (Гвалт альбо пагроза прымянення гвалту ў дачыненні да супрацоўніка органаў унутраных спраў). Справу разглядае суддзя Юрый Казакевіч. Пракурор - Мікіта Мыслівец.

Гродна: Сяргея Рымшу асудзілі да трох з паловай гадоў пазбаўлення волі

Суд Ленінскага раёна Гародні 21 студзеня вынес вырак Сяргею Рымшу. Яго абвінавацілі адразу па двух артыкулах Крымінальнага кодэксу: 342 КК РБ і 364 КК РБ.Яго прызналі вінаватым і асудзілі да 3,5 гадоў пазбаўлення волі ў калоніі агульнага рэжыму.