Сяргей Дзмітрыевіч Лялін — вайсковы пенсіянер у званні падпалкоўніка. Вядома, што ён удзельнічаў у пратэстах — яго затрымлівалі на нядзельным маршы 8 лістапада 2020 года. Быў пазбаўлены вайсковага звання Аляксандрам Лукашэнкам.

11 ліпеня 2022 года ён быў прызнананы вінаватым у абразе Лукашэнкі (ч. 1. арт. 368 Крымінальнага кодэкса) і абразе прадстаўніка ўлады (арт. 369 Крымінальнага кодэкса).

Суддзя Вольга Серакова вынесла прысуд ў выглядзе пазбаўлення волі на тэрмін адзін год з адбываннем у папраўчай калоніі ва ўмовах агульнага рэжыму.

Напрыканцы лістапада 2022 г. судовая калегія па крымінальных справах Магілёўскага абласнога суда задаволіла пратэст пракурора Бабруйскага раёна аб змене прысуду суда Бабруйскага раёна і г. Бабруйска. Апеляцыйным вызначэннем судовай калегіі па крымінальных справах Магілёўскага абласнога суда пратэст задаволены ў поўным аб'ёме — тэрмін канчатковага пакарання ў выглядзе пазбаўлення волі па сукупнасці злачынстваў павялічаны да двух гадоў.

Сяргей адбывае тэрмін у папраўчай калоніі № 1 (Наваполацк). 

Суд змяніў тэрмін пакарання, вынесены жыхару Бабруйска. Пратэст падала пракуратура

Напрыканцы лістапада судовая калегія па крымінальных справах Магілёўскага абласнога суда задаволіла пратэст пракурора Бабруйскага раёна аб змене прысуду суда Бабруйскага раёна і г. Бабруйска мясцоваму жыхару Сяргею Ляліну, які 11 ліпеня быў прызнананы вінаватым у абразе прэзідэнта (ч.1. арт. 388 Крымінальнага кодэкса і абразе прадстаўніка ўлады (арт. 369 Крымінальнага кодэкса).