Сяргей Міхайлавіч Крэйда быў затрыманы паводле крымінальнай справы, распачатай за каментары ў Інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра.

Сяргею было прад'яўлена абвінавачванне паводле арт. 130 КК (Распальванне сацыяльнай варожасці) і арт. 342 КК (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх).

Справу палітвязня разглядалі 23 снежня 2022 г. у Мінскім гарадскім судзе. Суддзя Жанна Брысіна прызначыла Сяргею два гады зняволення ў калоніі ва ўмовах агульнага рэжыму.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Утрымліваўся ў СТ № 8. 

Сяргей цалкам адбыў пакаранне і выйшаў на волю меркавана ў лютым 2023 г.