Сяргей Козел быў затрыманы напачатку снежня 2022 года і да суда змешчаны ў СІЗА №1. Да затрымання Сяргей працаваў настаўнікам гісторыі ў мінскай школе № 30. Мужчына скончыў гістфак БДУ і яшчэ са школьных гадоў вельмі захапляецца вывучэннем гісторыі. Ён жыхар Моталя. Яго абвінавацілі ў арганізацыі  і падрыхтоўцы дзеянняў, якія груба парушылі грамадскі парадак паводле ч. 1 арт. 342 Крымінальнага кодэксу.

У судзе Кастрычніцкага раёна Мінска 7 лютага 2023 года вынесены прысуд. Суд прызнаў яго вінаватым і прысудзіў да абмежавання волі без накіравання ва ўстанову адкрытага тыпу тэрмінам на тры гады ("хатняя хімія"). Справу разглядаў суддзя  Аляксандр Рудэнка.

Сяргея вызвалілі з-пад арышту ў залі суда.

24 лютага 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Настаўніка гісторыі за ўдзел у акцыі пратэсту ў 2020 годзе прысудзілі да "хатняй хіміі"

У судзе Кастрычніцкага раёна Мінска 7 лютага вынесены прысуд жыхару Моталя Сяргею Козелу, абвінавачанаму ў арганізацыі і падрыхтоўцы дзеянняў, якія груба парушылі грамадскі парадак паводле ч. 1 арт. 342 Крымінальнага кодэксу.