Сяргей Кабзенка
Дата нараджэння: 26 снежня 1994
Дата затрымання: 26 студзеня 2023
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
арт. 368 Крымінальнага кодэкса — Абраза прэзідэнта Рэспублікі Беларусь
арт. 367 Крымінальнага кодэкса — Паклёп у дачыненні да прэзідэнта Рэспублікі Беларусь
Вынік суда: невядомы
Суддзя: Кацэр Сяргей
Сяргей Аляксандравіч Кабзенка ўпершыню быў затрыманы 5 кастрычніка 2022 года. Яму далі 10 сутак арышту за «распаўсюджванне экстрэмісцкіх матэрыялаў».
Далейшы яго лёс дакладна невядомы, акрамя таго, што яго абвінавацілі па артыкуле 342 за ўдзел у пратэстах і судзілі, але прысуд невядомы.
26 студзеня 2023 года Сяргея затрымалі за тое, што ён калісьці скінуў у адзін з раённых чатаў жартаўлівую аб'яву, у якой былі апісаныя «прыкметы» Лукашэнкі.
30 сакавіка 2023 года ў судзе Маскоўскага раёну Мінска суддзя Сяргей Кацэр пачне разглядаць справу па арт. 368 КК РБ і 367 КК РБ.
