Сяргей Ільюшэнка

Дата затрымання: 27 верасня 2021

Прад'яўленыя абвінавачванні:

арт. 369 Крымінальнага кодэкса — Абраза прадстаўніка ўлады

Вынік суда: 2 гады і 6 месяцаў

Від пакарання: абмежаванне волі з накіраваннем у папраўчую ўстанову адкрытага тыпу ("хімія")

Суддзя: Родзіна Таццяна

Пракурор: Гаўрылюк Наталля

Месца зняволення: Папраўчая ўстанова адкрытага тыпу № 36

Заява аб прызнанні палітвязнем

Сяргей Ільюшэнка - жыхар Віцебска, асуджаны на 2 з паловай гады абмежавання волі з накіраваннем у папраўчую ўстанову адкрытага тыпу ("хімія") за абразу чыноўніка Сташэўскага у сацсетцы «ВКонтакте» (арт. 369 Крымінальнага кодэксу).

«Як табе не сорамна ў вочы людзям глядзець?» Прысуд у Віцебску за абразу чыноўніка

Суд Першамайскага раёну Віцебску пятага ліпеня вынес прысуд па крымінальнай справе, заведзенай за публічную абразу прадстаўніка ўлады (арт. 369 КК). На лаве падсудных – віцяблянін Сяргей Ільюшэнка. Нягледзячы на «адкрытасць» працэсу, у залу суду амаль нікога не пусцілі. Журналісты і валанцёры-праваабаронцы засталіся за дзвярыма. Людзі змаглі патрапіць толькі на прысуд.