Сяргей Гунь

Былы палітвязень

Дата нараджэння: 5 чэрвеня 1980

Дата затрымання: 3 чэрвеня 2022

Прад'яўленыя абвінавачванні:

арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх

Вынік суда: 2 гады і 6 месяцаў

Від пакарання: пазбаўленне волі ў калоніі ва ўмовах агульнага рэжыму

Дата пачатку адбыцця пакарання: 7 чэрвеня 2023

Дата вызвалення: 29 чэрвеня 2024

Суддзя: Крэнжыеўскі Дзмітрый

Групы: Дзеячы культуры

Справы: Пратэсты Мінск

Сяргей Уладзіміравіч Гунь — былы дырэктар івэнт-агенцтва KRONA, быў затрыманы 3 чэрвеня 2022 года ў сябе на лецішчы. Яму інкрымінавалі арт. 342 Крымінальнага кодэксу (групавыя дзеянні, якія груба парушаюць грамадскі парадак), а таксама 130 ч. 1 (распальванне варожасці) і ў выніку асудзілі на 2,5 гадоў калоніі агульнага рэжыму

Сяргей нарадзіўся ў Гомелі, скончыў каледж музычнага мастацтва, шмат займаўся спортам, збіраўся паступаць на факультэт фізічнай культуры, але жаданне займацца музыкай перамагло і хлопец стаў студэнтам Універсітэта культуры. Актыўна ўдзельнічаў у гульнях КВЗ. Мае малога сына Емяльяна.

У кастрычніку 2020 г. Сяргей быў збіты амапаўцамі за тое, што зняў іх на відэа. У лютым 2021 г. яго затрымлівалі па адміністратыўных артыкулах: тады ў зняволенні ён чатыры дні трымаў сухую галадоўку, у выніку атрымаў штраф.

У ІЧУ Сяргей, пратэстуючы супраць свайго зняволення, абвяшчаў сухую галадоўку.

У сярэдзіне ліпеня 2022 г. яго змясцілі ў СІЗА-1. На пачатку лютага 2023 г. Сяргея перавялі ў магілёўскую Турму № 4. 

Адбываў пакаранне ў ПК № 3.

Выйшаў на волю 29 чэрвеня 2024 г. 

Палітзняволены Сяргей Гунь на знак пратэсту абвясціў сухую галадоўку

Палітзняволены Сяргей Гунь абвясціў, што распачаў сухую галадоўку супраць свайго зняволення. Пры гэтым ён напісаў кранальны ліст да свайго трохгадовага сына Емельяна. Пакуль Сяргей утрымліваецца ў ізалятары часовага ўтрымання ГУУС Мінгарвыканкама.

Палітвязні знаходзяцца па адрасах:

Падтрымаць «Вясну»