Сяргей Гардзіевіч

журналіст інтэрнэт-выдання “Першы рэгіён”

Дата нараджэння: 22 чэрвеня

Дата затрымання: 22 снежня 2020

Прад'яўленыя абвінавачванні:

арт. 368 Крымінальнага кодэкса — Абраза Прэзідэнта Рэспублікі Беларусь

Вынік суда: 1 год і 6 месяцаў

Від пакарання: пазбаўленне волі ў калоніі агульнага рэжыму

Дата пачатку адбыцця пакарання: 2 жніўня 2021

Месца зняволення: ПК №17

Сяргей Гардзіевіч - журналіст інтэрнэт-выдання “Першы рэгіён” з Драгічына. 

22 снежня 2020 г. па дарозе з Драгічына ў Брэст ён быў затрыманы супрацоўнікамі АМАП. Пазней у яго кватэры адбыўся ператрус, журналіста затрымалі на 72 гадзіны па ўзбуджанай у дачыненні да яго крымінальнай справе па арт. 368 КК (абраза прэзідэнта Рэспублікі Беларусь). Гаворка ідзе нібыта пра рэпост паведамлення ў адной з драгічынскіх груп у Viber, да якой мае дачыненне Сяргей Гардзіевіч.

Храналогія судовага працэсу: 

Судзяць драгічынскага журналіста Гардзіевіча: міліцыянт хоча перавесці дзіцячаму дому кампенсацыю маральнай шкоды

24 чэрвеня на першым адкрытым судовым пасяджэнні разглядалася крымінальная справа ў дачыненні да карэспандэнта "Першага рэгіёну" Сяргея Гардзіевіча.

"Артыкул не цяжкі, а час цяжкі". Для Драгічынскага журналіста Сяргея Гардзеевіча запрасілі паўтара года калоніі

15 ліпеня ў судзе Іванаўскага раёна прайшло трэцяе пасяджэнне па справе драгічынскага журналіста Сяргея Гардзеевіча. Там ён выступіў з апошнім словам. Інтэрнэт-выданне "Першы рэгіён" вяло трансляцыю судовага паседжання.

Журналіста «Першага рэгіёну» Гардзіевіча напярэдадні прысуду за абразу Лукашэнкі шпіталізавалі

Як паведамляе "Радыё Свабода", драгічынскі журналіст інтэрнэт-выданьня "Першы рэгіён" Сяргей Гардзіевіч на 23 ліпеня чакаў вынясення прысуду, але 22 ліпеня ён страціў прытомнасць. Яго паклалі ў шпіталь.

"Самае галоўнае падчас следства – не выйсці на самога сябе". У журналіста Сяргея Гардзіевіча зноў прайшлі спрэчкі бакоў і апошняе слова

У судзе Іванаўскага раёна 30 ліпеня зноў прайшлі спрэчкі бакоў па справе драгічынскага журналіста Сяргея Гардзіевіча. Таксама ён агучыў сваё апошняе слова.

"Узяць пад варту адразу ў зале суда". Журналісту Гардзіевічу вынеслі прысуд

У судзе Іванаўскага раёна 2 жніўня агучылі прысуд па крымінальнай справе ў дачыненні да драгічынскага карэспандэнта "Першага рэгіёну" Сяргея Гардзіевіча.

 

 

Адрас для лістоў: ПК №17. 213004, г. Шклоў, вул. 1-я Заводская, 8

Палітвязні знаходзяцца па адрасах:

Што варта ведаць і як дапамагчы?