Сяргей Андрэевіч Гардзіевіч — журналіст інтэрнэт-выдання "Першы рэгіён" з Драгічына. 

22 снежня 2020 г. па дарозе з Драгічына ў Брэст ён быў затрыманы супрацоўнікамі АМАП. Пазней у яго кватэры адбыўся ператрус, журналіста затрымалі на 72 гадзіны па ўзбуджанай у дачыненні да яго крымінальнай справе па арт. 368 КК (абраза прэзідэнта Рэспублікі Беларусь). Гаворка ідзе нібыта пра рэпост паведамлення ў адной з драгічынскіх груп у Viber, да якой мае дачыненне Сяргей Гардзіевіч.

Сяргей 5 месяцаў правёў пад хатнім арыштам і да суда знаходзіўся пад падпіскай аб нявыездзе. 

2 жніўня 2021 года суддзя Іванаўскага раёна Генадзь Кудласевіч прызнаў Гардзіевіча вінаватым у абразе прадстаўнікоў улады ў сувязі з выкананнем імі службовых абавязкаў (арт. 369 КК), у распаўсюдзе загадзя ілжывых і зневажальных іншых асоб звестак (паклёп), якія змяшчаюць абвінавачванне ў здзяйсненні цяжкага злачынства (арт. 188 КК), а таксама ў публічнай абразе прэзідэнта Рэспублікі Беларусь (ч. 1 арт. 368 КК).

Канчаткова па сукупнасці злачынстваў шляхам частковага складання пакаранняў Гардзіевічу прызначылі пазбаўленне волі на тэрмін 1 год 6 месяцаў у папраўчай калоніі ва ўмовах агульнага рэжыму.

Сяргей цалкам адбыў тэрмін і 27 кастрычніка 2022 г. выйшаў на волю з ПК № 17.

У лістападзе 2022 г. МУС уключыла яго ў спіс "экстрэмістаў".

24 студзеня 2024 г. Сяргей быў затрыманы. Яго абвінавачваюць у "распаўсюдзе, вырабе, захоўванні інфармацыйнай прадукцыі, якая змяшчае заклікі да экстрэмісцкай дзейнасці" (артыкул 19.11 КаАП РБ) за рэпост у сацыяльных сетках публікацыі з сайта "Ганцавіцкі час".

26 студзеня 2024 г. у судзе Драгічынскага раёна разглядзелі справу Сяргея. Суддзя Юлія Кукса прызнала яго вінаватым і асудзілі да 15 сутак арышту. Пры гэтым, як адзначае "БАЖ", суддзя не прыняла да ўвагі тое, што ў Сяргея значна пагоршылася здароўе: ён страціў прытомнасць і вымушаны быў неаднаразова звяртацца да лекараў. Увечары 8 лютага выйшаў на волю. 

"Узяць пад варту адразу ў зале суда". Журналісту Гардзіевічу вынеслі прысуд

У судзе Іванаўскага раёна 2 жніўня агучылі прысуд па крымінальнай справе ў дачыненні да драгічынскага карэспандэнта "Першага рэгіёну" Сяргея Гардзіевіча.

"Самае галоўнае падчас следства – не выйсці на самога сябе". У журналіста Сяргея Гардзіевіча зноў прайшлі спрэчкі бакоў і апошняе слова

У судзе Іванаўскага раёна 30 ліпеня зноў прайшлі спрэчкі бакоў па справе драгічынскага журналіста Сяргея Гардзіевіча. Таксама ён агучыў сваё апошняе слова.

 

Журналіста "Першага рэгіёну" Гардзіевіча напярэдадні прысуду за абразу Лукашэнкі шпіталізавалі

Як паведамляе "Радыё Свабода", драгічынскі журналіст інтэрнэт-выданьня "Першы рэгіён" Сяргей Гардзіевіч на 23 ліпеня чакаў вынясення прысуду, але 22 ліпеня ён страціў прытомнасць. Яго паклалі ў шпіталь.

"Артыкул не цяжкі, а час цяжкі". Для Драгічынскага журналіста Сяргея Гардзеевіча запрасілі паўтара года калоніі

15 ліпеня ў судзе Іванаўскага раёна прайшло трэцяе пасяджэнне па справе драгічынскага журналіста Сяргея Гардзіевіча. Там ён выступіў з апошнім словам. Інтэрнэт-выданне "Першы рэгіён" вяло трансляцыю судовага пасяджэння.

Судзяць драгічынскага журналіста Гардзіевіча: міліцыянт хоча перавесці дзіцячаму дому кампенсацыю маральнай шкоды

24 чэрвеня на першым адкрытым судовым пасяджэнні разглядалася крымінальная справа ў дачыненні да карэспандэнта "Першага рэгіёну" Сяргея Гардзіевіча.