Сяргей Пятровіч Есьмановіч быў затрыманы ў Гомелі па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. Сяргея змясцілі ў СІЗА-3.

У Гомельскім абласным судзе 22 лістапада 2022 г. палітзняволенага прызналі вінаватым паводле ч. 1 арт. 130 КК (Распальванне іншай сацыяльнай варожасці). Суддзя Аляксей Хлышчанкоў прызначыў Сяргею два гады пазбаўлення волі ў калоніі ва ўмовах агульнага рэжыму.

20 студзеня 2023 г. Сяргей выйшаў на волю, цалкам адбыўшы тэрмін. За кратамі яго ўтрымлівалі 1 год, 3 месяцы і 21 дзень.

24 лютага 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Плынь асуджаных па "справе Зельцэра" не спыняецца: гамельчука асудзілі на два гады калоніі за каментары ў Telegram

Першапачаткова Сяргею ставілі ў віну і абразу прадстаўніка ўлады (арт. 369 КК). Як вынікае з судовай пастановы, пазней гэты артыкул знялі з абвінавачвання.