Сяргей Далівеля

музыка

Былы палітвязень

Дата нараджэння: 20 лютага 1982

Дата затрымання: 29 верасня 2021

Прад'яўленыя абвінавачванні:

  • арт. 130 Крымінальнага кодэкса — Распальванне варожасці ці варажнечы

Вынік суда: 2 гады

Від пакарання: пазбаўленне волі ў калоніі ва ўмовах агульнага рэжыму

Дата вызвалення: 16 лютага 2023

Суддзя: Бондал Галіна

Групы: Дзеячы культуры

Справы: Справа Зельцэра

Заява аб прызнанні палітвязнем

Сяргей Уладзіміравіч Далівеля — лідар мінскага рок-гурта "Бандэроль", аўтар музыкі і тэкстаў песень. Мае YouTube-канал.

Быў затрыманы па крымінальнай справе, распачатай за каментары ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра.

7 кастрычніка 2022 г. суддзя Віцебскага абласнога суда Галіна Бондал прызнала Сяргея вінаватым паводле ч. 1 арт. 130 (Распальванне іншай сацыяльнай варожасці) і прызначыла яму пазбаўленне волі ў калоніі ва ўмовах агульнага рэжыму тэрмінам на два гады.

Палітзняволены цалкам адбыў тэрмін і 16 лютага 2023 г. выйшаў на волю з ПК № 3.

"У апошнім слове на судзе Сяргей сказаў, што хоча хутчэй гэта ўсё забыць, патрапіць дамоў і убачыць дачку"

"Вясна" пагаварыла з сястрой Сяргея Далівелі Аленай пра падрабязнасці яго затрымання, умовы ўтрымання ў СІЗА, а таксама пра тое, як ён пачаў займацца музыкай.

Музыку асудзілі на 2 гады калоніі за каментары па справе Зельцэра

Першапачаткова Сяргея абвінавачвалі паводле двух артыкулаў. Але падчас судовага пасяджэння высветлілася, што абвінавачанні паводле арт. 369 (Абраза прадстаўніка ўлады) знялі. Пракурор запрасіў пакаранне тэрмінам 2 года і 6 месяцаў зняволення. Суддзя прыняла да ўвагі хворае дзіця, якое знаходзіцца на ўтрыманні Сяргея.

Палітвязні знаходзяцца па адрасах:

      Паказаць больш

      Апошнія навіны

      Больш навінаў
      Падтрымаць «Вясну»