Сяргей Віктаравіч Брыль – барысаўчанін, працуе слесарам на "Белпрамімпэкс".

Ён быў затрыманы 23 верасня 2020 года на працы. Супрацоўнікі органаў сустрэлі яго прама на прахадной, і на падставе таго, што ён нібыта з'яўляецца сведкам па справе нейкага ўгону аўтамабіля, павезлі ў аддзяленне. Затым высветлілася, што на Сяргея заведзена крымінальная справа аб масавых беспарадках. Па месцы яго жыхарства быў праведзены вобшук і канфіскаваная ўся тэхніка.

2 кастрычніка 2020 года яму было прад’яўленае абвінавачванне па ч. 2 арт. 293 Крымінальнага кодэкса – “Удзел у масавых беспарадках”, а тэрмін утрымання пад вартай працягнуты на два месяцы.

Суд Заводскага раёна Мінска 17 сакавіка асудзіў 26-гадовага палітзняволенага слесара з Барысава Сяргея Брыля на тры гады "хіміі". Суддзя Геннадзь Янкоўскі прызнаў яго вінаватым па ч. 1 арт. 342 Крымінальнага кодэкса за заклікі ў тэлеграм-чаце "Водители 97%", а таксама за ўдзел у жнівеньскіх акцыях пратэсту. Адразу на Сяргея ўзбудзілі крымінальную справу па ч. 2 арт. 293 Крымінальнага кодэкса, але потым справу перакваліфікавалі на больш мяккі артыкул. Палітзняволенага пасля абвяшчэння прысуду вызвалілі ў залі суда. "Мінсктранс" заявіў пазоў на суму 38 тысяч рублёў – на такую суму арганізацыя ацаніла шкоду, якую Сяргей прычыніў сваімі дзеяннямі падчас пратэстных акцый.

10 красавіка 2021 года Сяргей пачаў адбываць пакаранне ў папраўчай установе адкрытага тыпу №17 у Гомелі.

Быў актыўным у телеграм-чатах. 25-гадовы барысаўчанін стаў фігурантам справы "аб масавых беспарадках"

Фігурантам справы аб удзеле ў масавых беспарадках (ч. 2 арт. 293 Крымінальнага кодэкса) стаў 25-гадовы барысаўчанін Сяргей Брыль. Па словах яго дзяўчыны Анастасіі, на яго распачалі крымінальную справу з-за ўдзелу 9 і 10 жніўня ў мітынгах і за актыўнасць у телеграм-чатах як "Водители 97%". Дзяўчына Сяргея Брыля распавяла «Вясне» гісторыю яго пераследу.

За заклікі ў тэлеграм-чаце "Водители 97%" палітвязня Сяргея Брыля асудзілі да трох гадоў "хіміі"

Суд Заводскага раёна Мінска асудзіў 26-гадовага палітзняволенага слесара з Барысава Сяргея Брыля на тры гады "хіміі". Суддзя Геннадзь Янкоўскі прызнаў яго вінаватым па ч. 1 арт. 342 Крымінальнага кодэкса за заклікі ў тэлеграм-чаце "Водители 97%", а таксама за ўдзел у жнівеньскіх акцыях пратэсту.