Сяргей Уладзіміравіч Коршун — блогер тэлеграм-канала "Армія з народом". На працягу дзесяці гадоў служыў у міліцыі. Прыкладна дзесяць гадоў таму сышоў па ўласным жаданні ў званні капітана.

Быў затрыманы 21 ліпеня 2020 года і змешчаны пад варту з межах справы па арт. 342 КК РБ па падзеях 29 траўня 2020 года ў Гродне. 

5 жніўня яму было прад'яўлена абвінавачванне па ч. 1 і ч. 2 арт. 342 Крымінальнага кодэкса Рэспублікі Беларусь (Арганізацыя або актыўны ўдзел у групавых дзеяннях, якія груба парушаюць грамадскі парадак). У лютым 2021 года стала вядома, што артыкул Коршуну перакваліфікавалі на 293-ы Крымінальнага кодэкса (Масавыя беспарадкі).

7 траўня 2021 года ў Мінскім абласным судзе вынесеныя прысуды фігурантам справы па телеграм-канале "Армія з народам". Сяргей Коршун асуджаны да чатырох з паловай гадоў пазбаўлення волі ў калоніі ва ўмовах узмоцненага рэжыму.

24 траўня 2022 г. КДБ унёс Сяргея ў спіс асобаў, "датычных да тэрарыстычнай дзейнасці".

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Вядома, што ў лістападзе 2023 г. адміністрацыя ПК № 3 змясціла палітвязня ў ШІЗА, дзе трымала яго больш за месяц.

Выйшаў на волю ў ліпені 2024 г. 

Вынесеныя прысуды па справе "Арміі з народам"

На лаве падсудных — пяць чалавек.

Мінск: пачаўся суд па справе тэлеграм-канала "Армія з народам"

У Мінскім абласным судзе пачаўся працэс па справе ўдзельнікаў телеграм-канала "Армія з народам".

"Ну і няхай пасадзяць, буду сядзець разам з сынам!"

«Я ўсё ж веру, што гэта скончыцца, бо цяпер без веры нельга». Так скрозь слёзы пра надзею на вызваленне сына кажа Любоў Уладзіміраўна, матуля палітвязня Сяргея Коршуна, які сядзіць у СІЗА на Валадарскага.

У Сяргея Коршуна з'явіўся "хросны"

Анджэй Галіцкі, прадстаўнік Грамадзянскай платформы і сябра Камітэта па грамадзянскіх свабодах, юстыцыі і ўнутраных справах Еўрапарламента, стаў “хросным” Сяргея Коршуна