Салім Зіяевіч Мамедаў асуджаны на 3 гады абмежавання волі з накіраваннем у папраўчую ўстанову адкрытага тыпу ("хімія") i штраф у памеры 1 500 рублёў маральнай кампенсацыі за пагрозу гвалтам у каментарах Мікалаю Карпянкову (на той момант начальніку ГУБАЗіКа) (арт. 364 Крымінальнага кодэксу). Суд праходзіў 15-16 ліпеня 2021 года ў судзе Маскоўскага раёна г. Брэста.

25 траўня 2023 г. у судзе Ленінскага раёна г. Гродна палітвязня судзілі зноў. Паводле гэтай крымінальнай справе сумарна з папярэдняй вязню далі 3 гады "хіміі", то-бок тэрмін застаўся ранейшым. Суддзя Наталля Козел.

Быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Па падліках мусіў выйсці на волю з ПУАТ № 55 у ліпені 2024 г.