Сафія Андрэеўна Малашэвіч у першы раз была затрымана 6 верасня 2020 года на акцыі пратэсту "Марш адзінства", падчас якой яна балончыкам з фарбай малявала на паверхні шчытоў спецыяльных сродкаў загароджы. Яна стала падазраванай па крымінальнай справе па арт. 342 КК (удзел у групавых дзеяннях, груба парушаючых грамадскі парадак) і ч. 2 арт. 339 КК (хуліганства, здзейсненае групай асобаў).

Тады яе адпусцілі пад падпіску аб нявыездзе, але зноў затрымалі 30 лістапада 2020 г. і змясцілі пад варту.

Таксама стала вядома, што Сафію вінавацяць у абразе прэзідэнта (арт. 368 КК РБ).

Падчас суда абвінавачанне перакваліфікавала ч.2 арт. 339, згодна з якой абвінавачвалі Сафію Малашэвіч, на ч.1 арт. 339. Шляхам складання пакаранняў па трох артыкулах (ч. 1 арт. 368, ч. 1 арт. 342, ч. 1 арт. 339) 22 студзеня 2021 года яе пакаралі двума гадамі пазбаўлення волі ў калоніі агульнага рэжыму.

Вядома, што ў лютым 2022 дзяўчыну змяшчалі ў ШІЗА.

Сафія цалкам адбыла пакаранне і 6 верасня 2022 г. выйшла на волю з гомельскай калоніі № 4.

Хроніка судовых працэсаў над Сафіяй Малашэвіч:

Два і паўтара года пазбаўлення волі: вынесеныя прысуды палітвязням Сафіі Малашэвіч і Ціхану Клюкачу

У судзе Кастрычніцкага раёна Мінска 22 студзеня вынесеныя прысуды палітвязням Сафіі Малашэвіч і Ціхану Клюкачу. Сафія і Ціхан прызнаныя вінаватымі па ўсіх артыкулах. Сафія атрымала два гады пазбаўлення волі ў калоніі агульнага рэжыму, Ціхан — год і шэсць месяцаў пазбаўлення волі ў калоніі агульнага рэжыму. Такое пакаранне і прасіў пракурор.

Палітзняволеная Сафія Малашэвіч: "Клянуся, Ціхан не заслугоўвае такога пакарання"

У сваім апошнім слове палітзняволеная Сафія Малашэвіч папрасіла не караць Ціхана. Падчас яе прамовы прысутныя ў залі не стрымлівалі слёз.

Пачалі судзіць палітвязняў Соф'ю Малашэвіч і Ціхана Клюкача за надпісы на шчытах спецтэхнікі

На судзе Соф'я неаднаразова паўтарала, што ўсё, што яна зрабіла, было зроблена для прыцягнення ўвагі да "сацыяльнай несправядлівасці ў грамадстве" і да неабароненасці пенсіянераў.

Новыя "крыміналкі": дзяўчат вінавацяць у зрыванні маскі з міліцыянта і за малюнак на спецтэхніцы "Рубеж"

Крымінальная справа таксама заведзеная на яшчэ адну дзяўчыну, якая якая размалявала сістэму «Рубеж».