Рыгор Некрашэвіч
Прад'яўленыя абвінавачванні:
арт. 369 Крымінальнага кодэкса — Абраза прадстаўніка ўлады
Вынік суда: 1 год
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Грынкевіч Іван
Пракурор: Ярашэвіч Дзмітрый
Рыгора Некрашэвіча абвінавацілі ў абразе прадстаўніка ўлады – участковага інспектара Комара – па арт. 369 КК РБ.
Справу разглядаў суддзя Іван Грынкевіч, прадстаўнік дзяржабвінавачання - пракурор Дзмітрый Ярашэвіч.
Пацярпелы - старэйшы ўчастковы інспектар аддзялення міліцыі Першамайскага раёну Бабруйску Андрэй Комар у суд не з'явіўся, аднак пісьмова заявіў матэрыяльны пазоў за кампенсацыю маральнай шкоды ў памеры 1 000 рублёў. Андрэй Комар - часты фігурант крымінальных спраў за абразу службовай асобы.
Падсудны сваю віну прызнаў цалкам, кампенсацыю маральнай шкоды аплаціў дабраахвотна.
Пракурор запрасіў Для Рыгора Некрашэвіча ў суда абмежаванне волі тэрмінам на два гады без накіравання ва ўстанову адкрытага тыпу.
У судзе горада Жодзіна 6 снежня 2021 года вынесены прысуд. Суддзя пастанавіў, паколькі абвінавачаны сплаціў матэрыяльны пазоў, абмежавацца пакараннем тэрмінам у адзін год абмежавання волі – “хатняя хімія”.
Чарговы прысуд за абразу ўчастковага інспектара Комара вынесены ў Жодзіна
