Руслан Віктаравіч Валюк - жыхар Смаргоні, абвінавачаны па ч. 2 арт 188 Крымінальнага кодэкса (Паклёп) за тое, што разам з Інэсай Маркавай распаўсюдзіў ў горадзе шляхам расклейвання ўлёткі, у якіх утрымліваліся “заведама ілжывыя” звесткі, якія зганьбілі супрацоўнікаў міліцыі.

"У сярэдзіне верасня на вуліцах Смаргоні з'явіліся ўлёткі з інфармацыяй пра мясцовых міліцыянераў і чыноўнікаў. Начальніка аддзела аховы правапарадку Смаргонскага РАУС Руслана Ткачова аўтары ўлётак абвінавачвалі ў тым, што ён кіраваў затрыманнямі пратэстоўцаў 9–11 жніўня, і ў злоўжыванні службовым становішчам. А пра намесніка дырэктара школы №5 Аксану Шаўлюк было сказана, што яна сказіла вынікі галасавання на ўчастку, дзе працавала старшынёй камісіі".

Суд Смаргонскага раёна 18 лютага абвесціў прысуд па гэтай крымінальнай справе. Руслан Валюк атрымаў 2 гады абмежавання волі з накіраваннем у папраўчую ўстанову адкрытага тыпу ("хімія").

З 29 траўня адбывае пакаранне ў ПУАТ №21.

"Расклейвалі ўлёткі з інфармацыяй пра супрацоўніка міліцыі і старшыню выбарчай камісіі". Суд за паклёп у Смаргоні

Суд Смаргонскага раёна 8 лютага пачаў разгляд крымінальнай справы Руслана Валюка і Інэсы Маркавай. Іх абвінавачваюць у здзяйсненні злачынства, прадугледжанага ч. 2 арт 188 Крымінальнага кодэкса (Паклёп), за што пагражае штраф, або папраўчыя работы на тэрмін да двух гадоў, ці абмежаванне волі на тэрмін да трох гадоў.

Смаргонцам, якіх абвінавацілі ў паклёпе, пракурор просіць два гады абмежавання волі

Маладыя людзі абвінавачваюцца ў распаўсюдзе ўлётак у горадзе шляхам іх расклейвання, у якіх утрымліваліся “заведама ілжывыя” звесткі, якія зганьбілі супрацоўнікаў міліцыі.

За расклейку ўлётак - па два гады абмежавання волі. У адказ на "Жыве Беларусь!" у суд выклікалі міліцыю

Сёння абвешчаны прысуд: Руслану Валюку – два гады абмежавання волі з накіраваннем ва ўстанову адкрытага тыпу, Інэсе Маркавай – два гады абмежавання волі без накіравання ва ўстанову адкрытага тыру (“хатняя хімія”).