Руслан Садоўнічы

Палітвязень

Дата нараджэння: 25 кастрычніка 1987

Дата затрымання: 29 верасня 2021

Прад'яўленыя абвінавачванні:

арт. 364 Крымінальнага кодэкса — Гвалт альбо пагроза ўжывання гвалту ў дачыненні да супрацоўніка органаў унутраных спраў
арт. 369 Крымінальнага кодэкса — Абраза прадстаўніка ўлады
арт. 366 Крымінальнага кодэкса — Гвалт альбо пагроза ў дачыненні да службовай асобы, якая выконвае службовыя абавязкі, ці іншай асобы, якая выконвае грамадскі абавязак
арт. 130 Крымінальнага кодэкса — Распальванне варожасці ці варажнечы

Вынік суда: 3 гады і 6 месяцаў

Від пакарання: пазбаўленне волі ў калоніі ва ўмовах узмоцненага рэжыму

Дата пачатку адбыцця пакарання: 18 красавіка 2023

Суддзя: Рачынскі Мікалай

Пракурор: Герасіменка Людміла

Месца зняволення: ПК № 2

У спісе «тэрарыстаў» (грашовыя пераводы забароненыя)

Руслан Аляксандравіч Садоўнічы выкладаў геаграфію ў школе. У 2020 годзе быў ва ўчастковай камісіі на прэзідэнцкіх выбарах, адмовіўся ставіць свой подпіс у пратаколе.

Абвінавачаны паводле трох крымінальных артыкулаў: арт. 369 "Абраза прадстаўніка ўлады", ч. 1 арт. 130 "Распальванне расавай, нацыянальнай, рэлігійнай або іншай сацыяльнай варожасці ці варажнечы" і ч. 1 арт. 366 "Гвалт або пагроза ў дачыненні да службовай асобы, якая выконвае службовыя абавязкі, ці іншай асобы, што выконвае грамадскі абавязак".

21 лютага 2022 г. Руслан быў асуджаны на 3 гады і 6 месяцаў калоніі ва ўмовах агульнага рэжыму.

28 чэрвеня 2022 г. КДБ унёс палітвязня ў спіс асобаў, "датычных да тэрарыстычнай дзейнасці".

Утрымліваўся ў гродзенскай Турме № 1, пасля быў пераведзены ў бабруйскую ПК № 2.

У студзені 2023 г. стала вядома, што на Руслана распачалі новую крымінальную справу паводле арт. 364 КК (абраза прадстаўніка ўлады) і арт. 369 КК (гвалт або пагроза ўжывання гвалту ў дачыненні да супрацоўніка органаў унутраных спраў). Палітвязня перавялі ў СІЗА-1. Суддзя Дзмітрый Карсюк пачаў разглядаць справу 31 студзеня ў судзе Цэнтральнага раёна Мінска. Разгляд апеляцыйнай скаргі на прысуд прызначаны на 18 красавіка 2023 г. у Мінскім гарадскім судзе. Да разгляду знаходзіўся ў магілёўскай Турме № 4.

У сярэдзіне траўня 2023 г. стала вядома, што палітзняволены знаходзіцца ў СІЗА-3 у чаканні этапу.

З канца траўня 2023 г. адбывае пакаранне ў ПК № 2.

Трымалі ў карцары і вялі на суд, заламаўшы рукі: у Гродне географа асудзілі да 3,5 гадоў узмоцненага рэжыму за паведамленні міліцыянтам

21 лютага Гродзенскі абласны суд скончыў разгляд справы Руслана Садоўнічага. Мужчыну абвінавачваюць у здзяйсненні злачынстваў адразу паводле трох крымінальных артыкулаў: арт. 369 "Абраза прадстаўніка ўлады", ч. 1 арт. 130 "Распальванне расавай, нацыянальнай, рэлігійнай або іншай сацыяльнай варожасці ці варажнечы" і ч. 1 арт. 366 "Гвалт або пагроза ў дачыненні да службовай асобы, якая выконвае службовыя абавязкі, ці іншай асобы, што выконвае грамадскі абавязак".

Адрас для лістоў: ПК № 2. 213800, г. Бабруйск, вул. Сікорскага, 1

Палітвязні знаходзяцца па адрасах:

Падтрымаць «Вясну»