Раман Рафеенка
Дата нараджэння: 23 верасня 1990
Дата затрымання: 27 жніўня 2023
Прад'яўленыя абвінавачванні:
арт. 342 Крымінальнага кодэкса — Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх
Вынік суда: 3 гады
Від пакарання: абмежаванне волі без накіравання ў папраўчую ўстанову адкрытага тыпу ("хатняя хімія")
Суддзя: Макарэвіч Міхаіл
Пра затрыманне Рамана Пятровіча Рафеенка стала вядома напрыканцы жніўня гэтага года. Відэа затрымання апублікавалі праўладныя тэлеграм-каналы 28 жніўня. Мужчыне выставілі абвінавачванні паводле ч. 1 арт. 342 КК і змясцілі пад варту.
Згодна ліста КУП "Мінск" ад 7 красавіка 2023 года, у выніку прыпынку гарадскога пасажырскага транспарту на двух шэсцях дадзенаму прадпрыемству нанесены ўрон на сумы 5 980 рублёў 11 капеек і 5 839 рублёў 65 капеек. Пазначана, што іншыя пратэстоўцы кампенсавалі шкоду поўным аб'ёме.
У выніку ў судзе Партызанскага раёна Мінска 19 кастрычніка 2023 года суддзя Міхаіл Макарэвіч прызначыў Раману Рафеенку абмежаванне волі без накіравання ў папраўчую ўстанову адкрытага тыпу ("хатняя хімія") на тэрмін тры гады. Яго вызвалілі ў зале суда пасля абвяшчэння прысуду.
17 лістапада 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.
Мінчука асудзілі за ўдзел у двух шэсцях. На "пакаяльным" відэа яго знялі ў вышыванцы і кепцы з гербам Украіны