Раман Андрэевіч Карпук быў затрыманы ў межах крымінальнай справы паводле ч. 2 арт. 191 Крымінальнага кодэкса (Перашкода ажыццяўленню выбарчых правоў, права на ўдзел у рэферэндуме). Справу распачалі за распаўсюд і рассылку ўлётак з заклікам лічыць галасы выбаршчыкаў сумленна.

Утрымліваўся ў СІЗА КДБ, у красавіку 2022 года быў пераведзены ў СІЗА-1 на Валадарскага, а ў жніўні — у брэсцкі СІЗА-7.

17 жніўня 2022 г. у Маскоўскім судзе Брэста пачаўся разгляд справы Рамана Карпука. Суддзя Таццяна Лаўранюк 19 жніўня прызнала палітвязня вінаватым і асудзіла яго да трох гадоў зняволення ў калоніі ва ўмовах агульнага рэжыму.

27 кастрычніка 2022 г. палітвязня этапавалі з СІЗА-6 у наваполацкую калонію № 1.

МУС у лістападзе 2022 г. дадаў Рамана ў спіс "асобаў, датычных да экстрэмісцкай дзейнасці".

Паводле падлікаў праваабаронцаў вызваліўся ў кастрычніку 2024 г. 

18-гадовага палітвязня асудзілі да 3 гадоў калоніі за рассылку лістоў членам камісій па рэферэндуме

У тэксте лістоў былі заклікі падлічваць галасы сумленна, паведамляць пра парушэнні на выбарчых участках, а таксама пералік артыкулаў Крымінальнага кодэкса з адказнасцю для фальсіфікатараў. У выніку суддзя Таццяна Лаўранюк прызначыла хлопцу тры гады калоніі ва ўмовах агульнага рэжыму — менавіта такое пакаранне запрасіў пракурор Павал Крупеніч.

Рассылаў лісты ад імя брэсцкіх рэпрэсіўных суддзяў

А цяпер абвінавачваецца ў спробе сарваць рэферэндум. Распавядаем, як прайшоў першы дзень суда над Раманам Карпуком.

Распачата 9 крымінальных спраў, звязаных з правядзеннем рэферэндуму: каго затрымалі?

У КДБ Беларусі 20 лютага паведамілі аб затрыманні ўдзельнікаў груп, якія планавалі «зрыў рэферэндуму па зменах і дапаўненнях у Канстытуцыю». Супрацьпраўныя дзеянні гэтых людзей заключаліся ў рассылцы лістоў з заклікам да сябраў выбарчых камісій "лічыць галасы сумленна".