Раман Тагіравіч Яхін — фігурант брэсцкай “справы карагодаў”, распачатай паводле падзеяў 13 верасня 2020 года ў горадзе (калі пратэстоўцы выйшлі на праезную частку, а іх разагнаў вадамёт).

Рамана затрымлівалі некалькі разоў пасля той акцыі. Да 9 лютага 2021 года знаходзіўся пад падпіскай аб нявыездзе. Пасля 9 лютага яго змясцілі ў СІЗА-7, дзе ён знаходзіцца ў статусе абвінавачанага па крымінальнай справе па арт. 342 Крымінальнага кодэксу (актыўны ўдзелу ў групавых дзеяннях, што груба парушаюць грамадскі парадак).

У судзе Брэсцкага раёна 8 чэрвеня 2021 года вынеслі прысуды чарговай "партыі" па "карагоднай" крымінальнай справе па ч. 1 арт. 342 Крымінальнага кодэкса. На тэрміны да 2 гадоў "хіміі" 12 берасцеўцаў асудзіў старшыня суда Брэсцкага раёна Сяргей Маручак. Рамана Яхіна асудзілі да 2 гадоў "хатняй хіміі". Суддзя прызначыў менавіта такое пакаранне, якое прасілі пракуроры Ярошык і Плышэўскі. Рамана вызвалілі ў зале суда.

У красавіку 2023 г. Рамана затрымалі ў Брэсце паводле абвінавачвання ва ўваходжанні ў экстрэмісцкае фармаванне паводле ч. 3 арт. 361 КК.