Радзівон Уладзіміравіч Медушэўскі - жыхар Брэста, фігурант крымінальнай справы "карагодаў", узбуджанай пасля акцыі 13 верасня. 

Радзівон знаходзіўся на волі ў статусе падазраванай па гэтай справе (па арт. 342 КК — Актыўны ўдзел у групавых дзеяннях, якія груба парушаюць грамадскі парадак). 16 сакавіка яму змянілі меру стрымання і змясцілі пад варту ў СІЗА-7 да суда.

«Справа карагодаў» у Брэсце. Што вядома цяпер?

Пасля падзей 13 верасня ў Брэсце, калі супраць пратэстоўцаў, якія на Маршы герояў спявалі і танчылі ў карагодах, быў выкарыстаны вадамёт, была ўзбуджаная крымінальная справа па ч. 1 арт. 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх). 

Суд Маскоўскага раёна Берасця 3 чэрвеня2021 года вынес прысуды паводле "карагоднай" крымінальнай справы паводле ч. 1 арт. 342 Крымінальнага кодэкса супраць яшчэ 13 берасцейцаў. Іх прызналі вінаватымі і пакаралі ад 1,5 года "хатняй хіміі" да 1 года калоніі за ўдзел 13 верасня ў карагодзе на скрыжаванні бульвара Касманаўтаў і праспекта Машэрава, калі пратэстоўцы былі разагнаныя вадамётам. Суддзя Яўген Брэган асудзіў Радзівона Медушэўскага на 1,5 года "хатняй хіміі".