Пётр Мікалаевіч Грэцкі - фігурант крымінальнай справы, узбуджанай за ўдзел у мірнай акцыі пратэсту шостага верасня ў Гародні. 

Яму былі прад'яўлены абвінавачванні па арт. 342 Крымінальнага кодэкса – “Групавыя дзеянні, якія груба парушаюць грамадскі парадак”, па арт. 364 Крымінальнага кодэкса (Гвалт у дачыненні да міліцыі).

Пятра, а таксама двух іншых фігурантаў справу (Іллю Паланянкіна і Яна Дайліду) прызналі вінаватымі ў "актыўных групавых дзеяннях" на акцыі пратэсту. А менавіта ў тым, што "браліся за рукі (станавіліся ў счэпку), актыўна заклікалі іншых грамадзян удзельнічаць у несанкцыянаваным масавым мерапрыемстве, кінулі неўсталяваны прадмет у бок супрацоўнікаў МУС". Сваю віну Пётр не прызнаў.

9 сакавіка быў вынесены прысуд: тры гады абвежавання волі з накіраваннем у папраўчую ўстанову адкрытага тыпу ("хімія"). Пракурор апратэставаў прысуд, палічыўшы яго занадта мяккім, але Гарадзенскі абласны суд пакінуў прысуд без зменаў. 

З 11 чэрвеня Пётр Грэцкі адбываў пакаранне ў папраўчай установе адкрытага тыпу №48.

Вызвалены летам 2024 г.