Павел Паўлавіч Латушка - беларускі дзяржаўны, палітычны і грамадскі дзеяч.
Міністр культуры Рэспублікі Беларусь (2009-2012). Член Каардынацыйнай рады па арганізацыі працэсу пераадолення палітычнага крызісу. Кіраўнік Народнага антыкрызіснага ўпраўлення. Прадстаўнік Аб'яднанага пераходнага кабінета па пытаннях транзіту ўлады.

Паўлу Латушку ставяць у віну 8 крымінальных артыкулаў:

• ч.1 арт. 357 (змова з мэтай захопу ўлады неканстытуцыйным шляхам);
• ч. 3 арт. 361 (заклікі да санкцый, іншых дзеянняў, накіраваных на прычыненне шкоды нацыянальнай бяспецы Рэспублікі Беларусь);
• ч. 1 і ч. 2 арт. 361-1 (стварэнне экстрэмісцкіх фармаванняў і кіраўніцтва імі);
• ч. 3 арт. 130 (распальванне варожасці);
• ч. 4 арт. 16 і арт. 382 (арганізацыя і кіраўніцтва самавольнага прысваення звання і ўлады службовай асобы);
• ч. 2 арт. 191 (перашкода ажыццяўленню выбарчых правоў, права на ўдзел у рэферэндуме);
• ч. 3 арт. 426 (Перавышэнне ўлады і службовых паўнамоцтваў);
• ч. 3 арт. 430 (Атрыманне хабару).

Следчы камітэт 20 кастрычніка 2022 года распачаў працэс спецыяльнай вытворчасці ў дачыненні ўсіх фігурантаў справы. 30 лістапада справу перадалі генеральнаму пракурору для накіравання ў суд.

Спецыяльная вытворчасць – вытворчасць па крымінальнай справе ў дачыненні абвінавачванага, які знаходзіцца па-за межамі Рэспублікі Беларусь і ўхіляецца ад яўкі ў орган, які вядзе крымінальны працэс.

Згодна з абвінавачваннем, "за некалькі дзён да выбараў Святлана Ціханоўская, Вольга Кавалькова, Марыя Мароз, а таксама асуджаныя Максім Знак і Марыя Калеснікава і іншыя асобы спланавалі і арганізавалі 9 жніўня 2020 года ў Мінску і іншых гарадах краіны несанкцыянаваныя масавыя мерапрыемствы. Адзначаецца, што змоўшчыкі дзейнічалі сумесна з адміністратарамі і кіраўнікамі розных інтэрнэт рэсарсаў, у тым ліку тэлеграм-каналаў. Канчатковая мэта іх дзеянняў складалася ў адхіленні ад улады законна абраных і прызначаных асобаў у узвядзенне да ўлады іншых, у тым ліку на пасаду прэзідэнта ўдзельніцу змовы ЦІханоўску".

Павел Латушка адмовіўся ад назначанага яму адваката. Паводле яго словаў, Следчы камітэт спрабуе стварыць бачнасць законнасці, але ў яго гэта дрэнна атрымліваецца. Таксама ён патрабаваў атрымаць копію пастановы аб узбуджэнні крымінальнай справы альбо аб прызнанні падазраваным. Але адпаведнага дакумента не атрымаў.

У Мінскім гарадскім судзе 6 сакавіка 2023 года ў завочным парадку асудзілі Святлану Ціханоўскую, Паўла Латушку, Вольгу Кавалькову, Марыю Мароз, Сяргея Дылеўскага. Суддзя Пётр Арлоў прызначыў Святлане 15 гадоў калоніі, Паўлу 18 гадоў калоніі, Вользе, Марыі і Сяргею 12 гадоў калоніі агульнага рэжыма "завочна". Дзяржабвінавачванне падтрымліваў пракурор Міхаіл Кавалёў. 

Суд пакінуў пад арыштам маёмасць абвінавачаных па “справе Каардынацыйнай рады”:

• зямельны ўчастак Латушкі для будаўніцтва і абслугоўвання жылога дома ў Мінскім раёне, капітальны будынак у аграгарадку Ждановічы, грошы на банкаўскіх рахунках (больш за 31,8 тыс. еўра і $21,8 тыс.), а таксама іншая маёмасць па рашэнню суда пакінута пад арыштам;
• з Латушкі, паводле рашэння суда, павінен быць спагнаны ў даход дзяржавы вартасны эквівалент беспадстаўна атрыманай выгады ў суме 28254 рублі. Размова ідзе аб суме, эквівалентнай хабару, нібы атрыманаму ім на пасадзе міністра культуры.

Вярхоўны суд 20 чэрвеня 2023 года разгледзеў апеляцыйную скаргу Святланы Ціханоўскай, якую пакінуў без задавальнення. Іншыя ўдзельнікі справы «Каардынацыйнай рады» апеляцыйныя скаргі не падавалі. Іх прысуды таксама набылі моц.

14 ліпеня 2023 года быў унесены ў пералік грамадзян Беларусі, замежных грамадзян і асоб без грамадзянства, якія маюць дачыненне да экстрэмісцкай дзейнасці.

Знаходзіцца ў вышуку.

Сёння ў Мінску завочна будуць судзіць Святлану Ціханоўскую і іншых фігурантаў “справы Каардынацыйнай рады”

У Мінскім гарадскім судзе 17 студзеня пачынаецца завочны суд над Святланай Ціханоўскай, Паўлам Латушкам, Вольгай Кавальковай, Марыяй Мароз, Сяргеем Дылеўскім. Справу вядзе суддзя Пётр Арлоў. Дзяржабвінавачванне падтрымлівае пракурор Міхаіл Кавалёў. Усе фігуранты справы знаходзяцца за мяжой. Агулам ім ставяць у віну 12 крымінальных артыкулаў.

Святлане Ціханоўскай — 15 гадоў калоніі "завочна", Паўлу Латушку — 18. Сёння вынеслі прысуды па "справе Каардынацыйнай рады"

У Мінскім гарадскім судзе 6 сакавіка ў завочным парадку асудзілі Святлану Ціханоўскую, Паўла Латушку, Вольгу Кавалькову, Марыю Мароз, Сяргея Дылеўскага. Суддзя Пётр Арлоў прызначыў Святлане 15 гадоў калоніі, Паўлу 18 гадоў калоніі, Вользе, Марыі і Сяргею 12 гадоў калоніі агульнага рэжыма "завочна". Дзяржабвінавачванне падтрымліваў пракурор Міхаіл Кавалёў.