Павел Сяргеевіч Камінскі — жыхар Ліды. Утрымліваўся ў СІЗА-5.

Паўлу было прад'яўлена абвінавачванне па крымінальнай справе па арт. 364 Крымінальнага кодэкса (Гвалт у дачыненні да супрацоўнікаў міліцыі) і арт. 342 КК (Групавыя дзеянні, якія груба парушаюць грамадскі парадак). Згодна з абвінавачваннем, Камінскі і яшчэ чатыры чалавекі, дзейнічаючы ў групе з іншымі асобамі, кідалі часткі тратуарнай пліткі і іншыя прадметы ў міліцэйскія машыны. Гэта датычыцца акцыі пратэсту ў Лідзе 12 жніўня 2020 года.

Паўла прысудзілі да трох гадоў і шасці месяцаў абмежавання волі з накіраваннем у папраўчую ўстанову адкрытага тыпу ("хімія"), якія ён адбываў у ПУАТ №48.

10 лютага 2022 рашэннем суда Паўлу рэжым адбывання пакарання быў заменены на больш строгі тэрмінам на 1 год і 5 месяцаў зняволення.

Па падліках праваабаронцаў, летам 2023 г. выйшаў на волю, цалкам адбыўшы тэрмін.